ఈనెల 8న ఉదయం 9 గంటలకే మోదీ “విజయ సంకల్ప సభ

15 లక్షల జన సమీకరణతో ఓరుగల్లును పోరుగల్లుగా మారుద్దాం

• 15 లక్షల జన సమీకరణతో ఓరుగల్లును పోరుగల్లుగా మారుద్దాం

• కాంగ్రెస్ అనే కిరాణదుకాణంలో కాస్ట్లీ మెటీరియల్ చేరింది..

• కేసీఆర్ దగ్గర కావాల్సినంత డబ్బుంది... ఆ పార్టీని కొనేందుకు సిద్ధమయ్యారు..

• కాంగ్రెస్ రాష్ట్రంలో ఎక్కడుంది? దుబ్బాక నుండి టీచర్ ఎమ్మెల్సీ ఎన్నికల వరకు ఆ పార్టీకి డిపాజిట్లే దక్కలే..

• ఖమ్మంలో జరిగే కాంగ్రెస్ సభ పాదయాత్ర ముగింపు సభనా? జాయినింగ్స్ సభనా? చెప్పుకోలేని దుస్థితి..

• బీఆర్ఎస్కు అసలు సిసలైన ప్రత్యామ్నాయం బీజేపీయే..

• బీజేపీని ఓడించేందుకు బీఆర్ఎస్-కాంగ్రెస్ పార్లమెంట్ లోపల, బయటా కలిసే పనిచేస్తున్నాయి..

• కాంగ్రెస్ - బీఆర్ఎస్ పై నిప్పులు చెరిగిన బీజేపీ రాష్ట్ర అధ్యక్షులు, ఎంపీ బండి సంజయ్..

హైదరాబాద్, 02 జులై (ఆదాబ్ హైదరాబాద్ : ఈనెల 8న హన్మకొండ ఆర్ట్స్ కళాశాల మైదానంలో ప్రధానమంత్రి నరేంద్ర మోదీ హాజరయ్యే బహిరంగ సభకు “విజయ సంకల్ప సభ” అని నామకరణం చేశారు. ఆరోజు ఉదయం 9 గంటలకే మోదీ హన్మకొండ సభకు విచ్చేస్తారని బీజేపీ రాష్ట్ర అధ్యక్షులు, ఎంపీ బండి సంజయ్ కుమార్ ప్రకటించారు. దాదాపు 15 లక్షల జన సమీకరణే లక్ష్యంగా బహిరంగ సభను నిర్వహించి ఓరుగల్లును పోరుగల్లుగా మార్చి చరిత్ర సృష్టిస్తామని చెప్పారు. కనివినీ ఎరగని రీతిలో సభను సక్సెస్ చేయాలని కార్యకర్తలకు పిలుపునిచ్చారు.