ఖైరతాబాద్లో నువ్వా.. నేనా..!

• మంత్రులను అందిస్తున్న ఖైరతాబాద్ అసెంబ్లీ స్థానం  • ఇక్కడ గెలిస్తే మంత్రి పదవి ఖాయమా..? • గతంలో ఇక్కడ గెలిచిన వారంతా మంత్రులుగా చక్రం తిప్పినోళ్లే..

• మంత్రులను అందిస్తున్న ఖైరతాబాద్ అసెంబ్లీ స్థానం 

• ఇక్కడ గెలిస్తే మంత్రి పదవి ఖాయమా..?

• గతంలో ఇక్కడ గెలిచిన వారంతా మంత్రులుగా చక్రం తిప్పినోళ్లే..

• ఇక్కడ నుండి నువ్వా నేనా అంటూ పోటీ పడుతున్న నేతలు

• దానంకు టికెట్ రాదంటూ ఊపందుకున్న ప్రచారం..

• బీఆర్ఎస్, కాంగ్రెస్, బీజేపీ, టీడీపీ నుంచి ఇద్దరికి పైగా అభ్యర్థులు

• దానం నాగేందర్ పై తారాస్థాయికి చేరిన అసమ్మతి..

• అసెంబ్లీ స్థానంపై చక్రం తిప్పుతున్న కీలకనేతల వారసులు..

హైదరాబాద్ 15 జులై (ఆదాబ్ హైదరాబాద్): ఉమ్మడి ఏపీ రాష్ట్రంలో ఖైరతాబాద్ అసెంబ్లీ నియోజకవర్గానికి అతి పెద్ద నియోజకవర్గంగా పేరుండేది. 2009లో అసెంబ్లీ నియోజకవర్గాల పునర్విభజనలో భాగంగా ఈ నియోజకవర్గం నాలుగు అసెంబ్లీ నియోజకవర్గాలుగా విడిపోయింది. ఖైరతాబాద్ తో పాటు కూకట్పల్లి, శేరిలింగంపల్లి, జూబ్లీహిల్స్ ఈ నియోజకవర్గాన్ని  విభజించారు. అయితే ఖైరతాబాద్ నుండి కాంగ్రెస్ పార్టీ అభ్యర్థి పి.జనార్ధన్ రెడ్డి ఐదు దఫాలుగా విజయం సాధించి అప్పటి కాంగ్రేసులో సీనియర్ నేతగా అప్పటి ప్రభుత్వంలో చక్రం తిప్పారు.. అయన మరణానంతరం 2009లో దానం నాగేందర్ 50, 655 ఓట్లతో గెలుపొందారు. అనంతరం 2014 ఎన్నికల్లో టీడీపీ మద్దతుతో ఈ స్థానం నుండి పోటీ చేసిన బీజేపీ అభ్యర్థి చింతల రామచంద్రారెడ్డి 53,102 ఓట్లతో విజయం సాధించగా 2018లో జరిగిన ఎన్నికల్లో అయన టీఆర్ఎస్ అభ్యర్థి మాజీ మంత్రి దానం నాగేందర్ చేతిలో ఓటమి పాలయ్యారు. ఖైరతాబాద్ అసెంబ్లీ నియోజకవర్గంలో తాను గెలిస్తే మంత్రి పదవి ఖాయమన్న సెంటిమెంట్ తో ప్రచారం చేసుకుని గెలిచిన మాజీ మంత్రి బీ.ఆర్.ఎస్. అభ్యర్థి దానం నాగేందర్ 63,068 ఓట్లతో ఎమ్మెల్యేగా గెలిచినా నియోజకవర్గంలో తన పట్టును పూర్తిగా కోల్పోయారు.ఆయనఫై పలు ఆరోపణలు, విమర్శలు స్వంత పార్టీ నేతలే ప్రచారం చేయడం దానంకు మింగుడుపడని వ్యవహారంలా తయారయ్యింది. దీంతో ఈ సారి ఖైరతాబాద్ అభ్యర్థి ఎవరన్నదానిపై చర్చ జరుగుతోంది..