వారసులొస్తారా?

• అధికారపార్టీలోని సీనియర్లు కన్నకలలు సాకారమవుతాయా..? 

• గులాబీదళంలో అసలు ఏం జరుగుతోంది..? 

• వారసుల విషయంలో ససేమిరా అంటున్న గులాబీ బాస్..!

• అధికారపార్టీలోని సీనియర్లు కన్నకలలు సాకారమవుతాయా..? 

• విశ్రాంతి తీసుకుంటామంటున్న సీనియర్లను కేసీఆర్ ఏమంటారు..?

• కారులో తెరచాటు తనయుల రాజకీయం సత్ఫాలితాలనిస్తుందా..?

• సర్వేలన్నీ సీనియర్లకు అనుకూలంగా వున్నాయంటున్న అధిష్టానం..

తెలంగాణ రాష్ట్రంలో ఒక వెలుగు వెలిగిన.. వెలుగుతున్న నేతలంతా ఇప్పటికి ఇది చాల్లే అనుకుంటూ హుందాగా రాజకీయాల నుంచి తప్పుకుని తమ వారసులకు అవకాశం ఇచ్చి, వారి భవిష్యత్తుకు బంగారు బాటలు వేయాలని చూస్తున్నారు. ఇందులో తాము పోటీ చేస్తూ తనయులకు టికెట్ అడుగుతున్నవారు కొందరయితే.. ఇక తమ రాజకీయాలకు పులిస్టాప్ పెట్టి తనయులకు అవకాశం ఇచ్చి, వారి భవిష్యత్తుకు రాజకీయ బాటలు వేయాలను చూస్తున్న వారు మరికొందరు.. ఎలాగూ గెలవబోయే పార్టీయే కనుక.. చాలా మంది ఎమ్మెల్యేలు ఈసారి తమ వారసులను తెరపైకి తెచ్చి..వారికి భవిష్యత్ నేతలుగా తీర్చిదిద్దాలని కలలు కంటున్నారు.

పోచారం శ్రీనివాస్ రెడ్డి ఆయన కుమారుడు భాస్కర్రెడ్డి

( “వాసు" పొలిటికల్ కరస్పాడెంట్.. )

 హైదరాబాద్, 14 ఆగస్టు (ఆదాబ్ హైదరాబాద్ : అధికార బీఆర్ఎస్లో వచ్చే ఎన్నికల నుంచి పోటీ చేసే సిట్టింగులు ఎందరు.. ? ఈ సారి తమ బదులుగా వారసులకు చాన్స్ ఇవ్వాలని చూస్తున్న సీనియర్లు ఎవరెవరు? గెలుపు గుర్రాలుగా ఉన్నవారు తప్పుకుంటామంటే సీఎం కేసీఆర్ సరేనంటారా? ఈ సారికి వద్దు అంటూ ఎప్పటిలాగే మళ్ళీ వాయిదా వేసేస్తారా? ఇంతకీ గులాబీదళంలో ఏం జరుగుతోంది..? వారసులను తీసుకొద్దామనుకుంటున్న సీనియర్లు తమ మనసులో ఏమి అనుకుంటున్నారు ? బీఆర్ఎస్ బాస్ ఏమంటున్నారు.. ? కారు పార్టీలో తెరచాటు రాజకీయంపై ఆదాబ్ హైదరాబాద్ అందిస్తున్న ప్రత్యేక కథనం..