అమాయకుల జీవితాలను హారతి చేస్తున్న భారతి బిల్డర్స్

• ప్రీలాంచ్ పేరుతో మరో దగా డ్రామా.. • మరో సాహితీ కానున్న భారతి బిల్డర్స్..?

• ప్రీలాంచ్ పేరుతో మరో దగా డ్రామా..

• మరో సాహితీ కానున్న భారతి బిల్డర్స్..?

• ప్రభుత్వ దృష్టి లేకపోవడంతో రెచ్చిపోతున్న రియల్టర్స్

• ఒకచోట ప్రాజెక్టు మొదలుపెట్టి, అక్రమ వసూళ్లు చేసి, మరోచోట భూమికి అడ్వాన్స్ ఇచ్చి దోపిడి..

• ప్రస్తుతం ముచ్చటగా మూడోచోట కోకా పేటలో..

హైదరాబాద్, 10 అక్టోబర్ (ఆదాబ్ హైదరాబాద్) : ప్రీలాంచ్ పేరుతో రెచ్చిపోతున్న రియల్ మాఫియా వలలో అమాయకులు చిక్కుకుంటూనే ఉన్నారు.. కళ్ళముందు నిజా నిజాలు కనిపిస్తున్నా రియల్టర్లు కడుతున్న కనికట్టుకు కట్టుబడిపోతూ తమ జీవితాలను నాశనం చేసుకుంటూ ఉన్నారు. మార్కెట్ రేటుకంటే తక్కువ ధరకు ప్లాట్స్ దొరుకుతాయని ఆశతో రెక్కలు కష్టం చేసుకుని కూడబెట్టుకున్న డబ్బులు అప్పనంగా మోసగాళ్ల చేతుల్లో పోస్తున్నారు.. తీరా మోసపోయామని తెలుసుకున్నాక లబోదిబోమంటున్నారు..సాహితీ బిల్డర్స్ వ్యవహారం చూసాం.. ఎన్ని వేలమంది రోడ్డుపైకి వచ్చారో కోట్లాది .దిగమింగిన వారు కాలరెగరేసుకుని తిరుగుతుండటం కూడా చూస్తున్నాం.. ప్రభుత్వ, ప్రభుత్వ అధికారుల నియంత్రణ కొరవడటంతో ఇలాంటి దుర్మార్గాలు రోజు రోజుకూ పేచ్చిమీరి పోతున్నాయి..