వికసిత్ భారత్..వికసిత్ ఆంధ్రప్రదేశ్ మా లక్ష్యం

• ఆయుష్మాన్ భారత్ పథకం కింద ఆంధ్రప్రదేశ్లో 1.25 కోట్ల మందికి పైగా పేదలు ఉచిత చికిత్స పొందారు.. • ఎన్టీఆర్ రూ.100 వెండి నాణెం విడుదల చేసిన ఘనత ఎన్డీయేదే.. • దేశ నాయకులను గౌరవించేది బీజేపీ మాత్రమే..

• తెలుగు వారికి కాంగ్రెస్ చేసిన అవమానంతోనే తెలుగుదేశం పార్టీ పుట్టింది 

• చంద్రబాబు, పవన్ కళ్యాన్లు రాష్ట్ర వికాసానికి చేసిన కృషిని గుర్తించాలి

• ఎన్డీయేకు 400పైగా సీట్లు వచ్చేలా కృషిచేయాలి : ప్రధాని మోదీ

• దేశానికి సరైన సమయంలో ప్రధాని మోదీ లాంటి నాయకుడు దొరికాడు

• మేము మీతో ఉంటాము, ఇది మా వాగ్దానం : చంద్రబాబునాయుడు

 హైదరాబాద్,17 మార్చి (ఆదాబ్ హైదరాబాద్): కేంద్రంలో ముచ్చటగా మూడోసారి ఎన్డీయే ప్రభుత్వం అధికారంలో రాబోతున్నట్టు భారత ప్రధాని నరేంద్ర మోదీ అన్నారు. టీడీపీ, జనసేన, బీజేపీ ఆధ్వర్యంలో బొప్పూడిలో నిర్వహించిన ప్రజాగళం బహిరంగ సభలో ప్రధాని మోదీ ముఖ్య అతిథిగా పాల్గొన్నారు. లోక్సభ ఎన్నికల షెడ్యూల్ ప్రకటించిన మరునాడే ప్రధాని నరేంద్ర మోదీ పలనాడు జిల్లాలో జరిగిన భారీ ర్యాలీలో ఆయన ప్రసంగించారు. అభివృద్ధి చెందిన భారతదేశానికి ఓటు వేయాలని ప్రధాని మోదీ పిలుపునిచ్చారు. రాష్ట్రంలోని జగన్ ప్రభుత్వం, కాంగ్రెస్ పార్టీ ఒక్కటేనని అభివర్ణించారు. జనం దృష్టి మరల్చేందుకు రెండు పార్టీ ప్రయత్నిస్తూ అభివృద్ధికి ఆటంకం కలిగిస్తున్నారని ప్రధాని మోదీ అన్నారు.