ముద్దుల ప్రచారం..

• ప్రచారంలో యువతి బుగ్గపై ముద్దు • ఇరుకున పడ్డ బీజేపీ ఎంపీ అభ్యర్థి 

• విమర్శలు గుప్పించిన తృణమూల్ 

• కూతురిలా భావించి పెడితే తప్పేముందన్న అభ్యర్థి ఖగేన్ ముర్మూ

కొలకత్తా 10 ఏప్రిల్ (ఆదాబ్ హైదరాబాద్) : బెంగాల్ సిఎం దీదీ ఇలాకాలో కమలం పార్టీ ఇరుకున పడింది. ఆ పార్టీ ఎంపీ అభ్యర్థి ఎన్నికల ప్రచారం చేస్తూ.. ఓ మహిళకు ముద్దు పెట్టాడు. దాంతో బీజేపీపై దాడి కోసం ఎదురు చూస్తున్న అధికార తృణముల్ కాంగ్రెస్ పార్టీకి.. అవకాశం అంది వచ్చినట్లు అయింది. అంతే ముద్దు ఘటనతో బీజేపీపై సోషల్ మీడియా వేదికగా దీదీ పార్టీ విమర్శలు గుప్పిస్తోంది. లోక్ సభ ఎన్నికలకు సమయం సమీపిస్తోంది. దీంతో పశ్చిమ బెంగాల్లోని ఉత్తర మాల్దా లోక్సభ నుంచి ప్రస్తుత ఎంపీ కగేన్ మురుకు బీజేపీ మరోసారి అవకాశం ఇచ్చింది. దాంతో ఆయన ఇంటింటికి ఎన్నికల ప్రచారం నిర్వహిస్తున్నారు. ఆ క్రమంలో సోమవారం సదరు లోక్ సభ నియోజకవర్గ పరిధిలో చంచల్ సమీపంలోని శ్రీహిపుర్ గ్రామంలో ప్రచారం నిర్వహించారు. అయితే అక్కడి స్థానిక మహిళ బుగ్గపై ముర్ము ముద్దు పెట్టారు.