మీకు చెప్పినా వేస్ట్

విచారణ పూర్తికాక ముందే తీర్పు ఇచ్చేటట్టుంది ఎంక్వైరీ నిష్పక్షపాతంగా లేదు.. స్వయంగా కమిషన్ నుంచి తప్పుకోండి

మీ ముందు హాజరైనా ప్రయోజనం లేదు

గత ప్రభుత్వంలో చట్టబద్దంగానే విద్యుత్ కొనుగోళ్లు

తెలంగాణలో 24గంటల కరెంట్ కోసం కృషి చేశాం

మాపై బురద చల్లేందుకు చట్ట విరుద్ధంగా విచారణ ప్రారంభించారు

జస్టిస్ ఎల్. నర్సింహారెడ్డి కమిషన్కు మాజీ సీఎం కేసీఆర్ లేఖ..

హైదరాబాద్ 15, జూన్ (ఆదాబ్ హైదరాబాద్ : తెలంగాణ తొలి ముఖ్యమంత్రి కల్వకుంట్ల చంద్రశేఖర్ రావు చేసిన అవినీతి, అక్రమాలు ఒక్కొక్కటిగా బయటకు వస్తుంటే కంటి నిండా కునుకు తీయలేకపోతున్నారు. తన పదేళ్ల పాలనలో జరిగిన అరాచకాలు కాంగ్రెస్ ప్రభుత్వం వెలికి తీస్తుంది. ఇందులో భాగంగా కరెంట్ కొనుగోళ్లు, యాదాద్రి, భద్రాద్రి పవర్ ప్లాంట్ల నిర్మాణానికి సంబంధించి అనేక అవినీతి జరిగిందనీ విచారణ నిమిత్తం ప్రభుత్వం దీనిపై జస్టిస్ ఎల్. నర్సింహారెడ్డి కమిషన్ వేసింది. కాగా దర్యాప్తు కొనసాగుతుంది. అందుకోసం మాజీ సీఎం కేసీఆర్ ను వివరణ కోరుతూ నోటీసులు ఇచ్చింది. దానికిగాను శనివారం (జూన్ 15) వరకు టైం కూడా ఇచ్చింది.ఆఖరి రోజు వరకు సమాధానం ఏమి ఇవ్వకుండా.. 'ఆకు వెళ్ళి ముల్లు మీద పడ్డా, ముల్లు వెళ్ళి ఆకు మీద పడ్డా ఆకుకే నష్టం’ అన్నట్టుగా నిన్న కేసీఆర్ కమిషన్ కు ఓ లేఖ రాశారు. మీకు ఏం చెప్పిన వేస్ట్.. అసలు ఈ కమిషన్ చట్ట విరుద్ధం, ఈ రేవంత్ సర్కార్ ఏం చేయాల్నో, ఎలా చేయాల్నో కూడా కనీసం నాలెడ్జ్ లేదు అంటూ అసహనం వ్యక్తం చేశారు.