ఇన్నాళ్లకు గుర్తొచ్చారా..?

• నేతన్లను సంక్షోభం నుంచి గట్టెక్కించేందుకు కృషి చేస్తా..

• మీ హయాం నుంచి నేతన్నల ఆకలి చావులు

• మీరెందుకు సంక్షోభం నుంచి గట్టెక్కించలేదు

• కేటీఆర్ లేఖ బండి సంజయ్ స్ట్రాంగ్ కౌంటర్

• మెగా పవర్ లూమ్ క్లస్టర్ తీసుకురావాలని కేటీఆర్ లేఖ

• కేంద్ర బడ్జెట్ లో ప్రతిపాదనలు పెట్టించండి

• కేంద్రమంత్రిగా ఈ అవకాశం ఉపయోగించండి

• గతంలో అనేకమార్లు విన్నవించినా ఫలించలేదు

హైదరాబాద్ 11 జూలై (ఆదాబ్ హైదరాబాద్) : సిరిసిల్లకు మెగా పవర్ లూమ్ క్లస్టర్ తీసుకు రావాలంటూ తనకు లేఖ రాసిన బీఆర్ఎస్ వర్కింగ్ ప్రెసిడెంట్ కేటీఆర్కు కేంద్రమంత్రి బండి సంజయ్ కౌంటర్ ఇచ్చారు. కేటీఆర్కు నేతన్నలు ఇన్నాళ్లకు గుర్తు వచ్చారా? అని ఎద్దేవా చేశారు. సిరిసిల్లకు గత పదిహేనేళ్లుగా కేటీఆర్ ప్రాతినిథ్యం వహిస్తున్నారని వ్యాఖ్యానించారు. మీ హయాం నుంచి నేతన్నల ఆకలి చావులు కొనసాగుతున్నాయని విమర్శించారు. అలాంటప్పుడు మీరు నేతన్నలను సంక్షోభం నుంచి ఎందుకు గట్టెక్కించలేదో చెప్పాలన్నారు. బతుకమ్మ పండుగకు సంబంధించిన బకాయిలు చెల్లించకుండా పవర్ లూమ్ సంస్థలు మూతబడేలా చేసింది మీరు కాదా? అని మండిపడ్డారు. ప్రధానమంత్రి తెలంగాణకు మెగా టెక్స్ టైల్ పార్కును ప్రకటించినప్పుడు మీకు సిరిసిల్ల గుర్తుకు రాలేదా? అని నిలదీశారు. సిరిసిల్ల నేతన్నలను సంక్షోభం సంక్షోభం నుంచి గట్టెక్కించేందుకు తాను శాయశక్తులా ప్రయత్నిస్తానన్నారు.