కవితకు కలిసోచ్చేనా.. కాలం.. ?

• తెలంగాణలో కీలకం కానున్న కవిత • ఫ్యూచర్ ముఖ్యమంత్రి అంటూ జోరుగా ప్రచారం

• త్వరలో బెయిల్.. కాబోయే సీఎం కవితేనా.!

• జైలు పాలు అయినోళ్ళకే సీఎం అయ్యే యోగ్యత.!

• మొన్న జగన్, నిన్న రేవంత్, చంద్రబాబులకు అవకాశం

• ఢిల్లీ లిక్కర్ కేసులో జైలు పాలైన కేసీఆర్ కూతురు

• నేడో, రేపో బెయిల్ పై బయటకు వచ్చే ఛాన్స్

• కేటీఆర్ను సీఎం చేయాలనే కలలు కన్న కేసీఆర్

• అందుకు విరుద్ధంగా కవిత ముఖ్యమంత్రి అయ్యే అవకాశం.?

• అన్నకు చెల్లె చెక్కు పెట్టనుందా..?

హైదరాబాద్ 11,ఆగస్టు (ఆదాబ్ హైదరాబాద్): 'కలిసొచ్చే కాలం వస్తే.. నడిసొచ్చే కొడుకు పుడతాడు' అనే సామెత ఒకప్పటిది. కానీ, జైలుకు వెళ్లీ వస్తే. సీఎం అయ్యే భాగ్యం వస్తది' అన్నది నేటి సామెత. ప్రస్తుత పరిస్థితులు చూస్తుంటే అదీ నిజమే అనిపి స్తోంది. ఆంధ్రప్రదేశ్ లో ఇద్దరూ సీఎంలు, తెలంగాణ ముఖ్యమంత్రి జైలుకెళ్లి వచ్చాకనే సీఎం సీటు దక్కిందని చెప్పాలి. ఏపీ మాజీ సీఎం వైఎస్ జగన్ మోహన్ రెడ్డి, ప్రస్తుత ముఖ్యమంత్రి చంద్రబాబు నాయుడు జైలుకు వెళ్లివచ్చారు. అలాగే తెలంగాణ సీఎం రేవంత్ రెడ్డి సైతం గతంలో జైలు పాలు అయినోడే.అయితే రాష్ట్ర మాజీ ముఖ్యమంత్రి కేసీఆర్ బిడ్డ కల్వకుంట్ల కవిత కూడా ఢిల్లీ లిక్కర్ కేసులో ఇరుక్కుంది. అందులో భాగంగానే మార్చి 15న బీఆర్ఎస్ ఎమ్మెల్సీ కవితను ఈడీ అరెస్ట్ చేసిన సంగతి తెలిసిందే. దాదాపు ఐదు నెలల పాటు తీహార్ జైలులో ఉన్నది. ఆమె ఎప్పుడ్కెనా రిలీజ్ అయ్యే ఛాన్స్ ఉన్నట్లు విశ్వసనీయ వర్గాల ద్వారా తెలిసింది. ఆమ్ ఆద్మీ పార్టీతో కుమ్మక్కై ఢిల్లీ మద్యం కేసులో ఇన్ వాల్వ్ అయిన కవిత కల్వకుంట్ల ఫ్యామిలీకి మాయని మచ్చ తెచ్చిపెట్టింది. ఇటు తెలంగాణ రాష్ట్రంలో అధికారం కోల్పోవడం అటు కూతురు కవిత జైలుకు పోవడంతో మాజీ సీఎం కేసీఆర్ కు నిద్రపట్టడం లేదు. 2014లో జరిగిన సార్వత్రిక ఎన్నికల్లో భారతీయ జనతా పార్టీ కేంద్రంలో ప్రభుత్వం ఏర్పాటు చేయడంతో మోడీతో స్నేహం చేశాడు ఆ తర్వాత కొంత కాలానికి మళ్లీ విడిపోయారు.