సింగరేణి కార్మికులకు దసరా కానుక

• 33శాతం బోనస్ను ప్రకటించిన సీఎం రేవంత్ రెడ్డి.. • ఒక్కో కార్మికుడికి ఒక లక్ష 90వేలు బోనస్

• సింగరేణి చరిత్రలో అత్యధిక బోనస్

• 2023 - 24లో మొత్తం నికర లాభాలు రూ.4701కోట్లు

• రూ.2.289కోట్లతో సింగరేణి భవిష్యత్, వ్యాపార విస్తరణ ప్రణాళికలు

• కార్మికుల పనితీరును కొనియాడిన సీఎం, డిప్యూటీ సీఎం..

కొత్తగూడెం సింగరేణి సెప్టెంబర్ 20 (ఆదాబ్ హైదరాబాద్): దసరా పండుగ సందర్భంగా రాష్ట్రప్రభుత్వం సింగరేణి కార్మికులకు తీపి కబురు తెలిపింది. గత ఆర్థిక సంవత్సరం సింగరేణి సాధించిన 4701కోట్ల రూపాయల లాభాలలో సంస్థ వ్యాపార విస్తరణ ప్రణాళికల కోసం రూ.2,289కోట్లు కేటాయించగా మిగిలిన 2412కోట్లుపై 33శాతాన్ని లాభాల వాటా బోనస్ కార్మికులకు చెల్లించనున్నట్లు ముఖ్యమంత్రి రేవంత్రెడ్డి, డిప్యూటీ సిఎం భట్టి విక్రమార్క ప్రకటించారు. రాష్ట్రమంత్రిమండల సభ్యులతో కలిసి సచివాలయంలో శుక్రవారం లాభాల బోనస్ ను ప్రకటించారు. 33శాతం వాటా కింద రూ. 796కోట్లను కార్మికులకు లాభాల వాటాగా చెల్లిస్తుండగా ఒక్కొక్క కార్మికుడు సగటున రూ.1లక్షా 90వేలు వరకు అందుకోనున్నాడు. సింగరేణి చరిత్రలో ఇదే అత్యధిక లాభాల వాటా బోనస్ గా నిలుస్తుందన్నారు.

గతం కన్నా రూ.85కోట్లు అధికం..