మీ అంతు చూస్తా..

• కథనంపై కేసు పెడతానని బెదిరిస్తూ కార్యాలయానికి ఫోను • ఆదాబ్ కథనానికి స్పందించిన సీఎంఆర్ పీఆర్డీ కె. ఫణి

• లక్కీ డ్రా పేరుతో కస్టమర్లను లూటీ చేస్తున్న సీఎంఆర్ ఆదాబ్ కథనంపై సూర్యాపేట జిల్లా వ్యాప్తంగా చర్చ

• సీఎంఆర్ వినియోగదారుల నుంచి వెల్లువెత్తిన అభినందనలు.

• డ్రా తీయడానికి అతిథులుగా ప్రజాప్రతినిధులు, అధికారులు.

• ప్రజలకు ఏం సందేశం ఇద్దామని వస్తున్నారంటూ విమర్శలు ?

కస్టమర్లను బురిడీ కొట్టించే కూపన్లు ఇవే

సూర్యాపేట 27 అక్టోబర్ (ఆదాబ్ హైదరాబాద్): సూర్యాపేట సిఎంఆర్ ఘరానా మోసం కథనానికి ఆ సంస్థ పీఆర్డీ కె ఫణి అగ్గిమీద గుగ్గిలమయ్యారు. ఏకంగా ఆదాబ్ హైదరాబాద్ కార్యాలయానికి వాట్స్ అప్ ద్వారా ఫోన్ చేసి మీ అంతు చూస్తానని.. మీ ఫై కేసు పెడతానని బెదిరింపులకు దిగాడు.. మా దగ్గర అన్ని ఆధారాలు ఉన్నాయని బాధితుల వివరాల మేరకు వార్తను ప్రచురించడం జరిగిందని చెప్పినప్పటికీ సీఎంఆర్ పీఆర్డీ కె ఫణి తన బెదిరింపుల పర్వాన్ని ఆపలేదు.. ఈ వ్యవహారంపై ముందస్తుగా మా వివరణ అడగాలికదా అన్నప్పుడు ఆదాబ్ కార్యాలయం కె ఫణి ని ఫోన్ ద్వారా అప్రోచ్ అయినా విషయాన్నీ గుర్తుచేసింది.. నిజానికి బాధితుల నుంచి సూర్యాపేట సిఎంఆర్ పై బాధితుల నుంచి అభియోగాలు వచ్చినప్పుడు ముందస్తుగా ఆదాబ్ హైదరాబాద్ కార్యాలయం ఫోన్ ద్వారా వివరణ అడిగే ప్రయత్నం చేసింది.. అయినా సీఎంఆర్ పీఆర్డీఓ కె.ఫణి సమాధానం ఇవ్వలేదు.. దాంతో బాధితుల అంశాలను ఆవేదనలను పరిగణలోకి తీసుకుని ఆదాబ్ హైదరాబాద్ పత్రిక వార్తను ప్రచురించడం జరిగింది.