దివీస్ పై కమలంకొట్లాట

ఫార్మా కంపెనీపై బీజేపీ సమరభేరికి సిద్ధం

• స్థానికులకు ఉద్యోగ అవకాశాలు ఇవ్వాల్సిందే

• వ్యర్థ కాలుష్యంతో నష్టపోయిన వారికి నష్టపరిహారం చెల్లించాలి

• న్యాయం జరుగుతుందని గీత కార్మికులు, రైతుల ఆశాభావం

• రాష్ట్ర పార్టీ ఆదేశాలతో ఆందోళనకు కార్యాచరణ

• దివీస్ కు వంతపాడుతున్న ఇతర పార్టీల నాయకుల అంతర్మథనం

• 'ఆదాబ్ హైద్రాబాద్'లో గత ఏడాదిగా దివీస్ ల్యాబ్ పై వరుస కథనాలు

హైదరాబాద్ 29,నవంబర్ (ఆదాబ్ హైదరాబాద్): యాదాద్రి భువనగిరి జిల్లాలోని చౌటుప్పల్ మండలం లింగోజిగూడెం గ్రామ పరిధిలో ఉన్న దివీస్ ల్యాబోరేటరీస్ పరిశ్రమ కాలుష్యంతో ఈ జిల్లాతో పాటు నల్గొండ జిల్లా ప్రజలు తీవ్ర అనారోగ్యం బారిన పడుతున్న సంగతి తెలిసిందే. దివీస్ కంపెనీ నుంచి విడుదల చేసే వ్యర్థ కాలుష్యంతో ఇబ్బందులు ఎదుర్కొంటున్నామని ఎన్నోసార్లు స్థానిక ప్రజలు ఆందోళన బాట పట్టిన ఘటనలు చూశాం. గాలి, నీరు, కాలుష్యంతో రైతులు, గీత కార్మికులు, స్థానికులు నష్టపోతున్నట్లు కాలుష్య నియంత్రణ మండలి అధికారులకు ఎన్నిసార్లు విన్నవించినా ఫలితం లేకుండా పోయింది. జిల్లా, రాష్ట్ర స్థాయి అధికారులకు కంప్లైంట్స్ చేసిన, ప్రభుత్వ పెద్దలు, మంత్రులు, ముఖ్యమంత్రుల దృష్టికి తీసుకెళ్లిన దివీస్ కాలుష్యం బాధ పోవడం లేదు. అటు పీసీబీ అధికారులకు పరిశ్రమ యాజమాన్యం వద్ద పెద్ద మొత్తంలో డబ్బులు దండుకుంటూ వారికి అండగా నిలుస్తున్నారు. ఇటు ఎమ్మెల్యే, ఎంపీలు సహా పొలిటికల్ పార్టీల నేతలు సైతం దివీస్ ల్యాబ్ తో లోపాయికారి ఒప్పందం కుదుర్చుకొని సపోర్ట్ చేస్తున్నారని స్థానిక ప్రజలు ఆరోపిస్తున్నారు. అయితే ఇప్పుడు బీజేపీ పార్టీ దివీస్ కంపెనీపై యుద్ధం చేయడానికి సిద్ధమవుతుంది. దొంగలు పడ్డ ఆర్నెళ్లకు కుక్కలు మొరిగినట్లు ఎన్నో ఏళ్లుగా రైతులు, గీతకార్మికులు, స్థానిక ప్రజలు ఇబ్బందులు పడుతుంటే ఇన్నాళ్లకు గుర్తొచ్చిందా అని అంటున్నారు. యాదాద్రి భువనగిరి జిల్లా మునుగోడు నియోజకవర్గం పరిధిలోని చౌటుప్పల్ నారాయణపురం మునుగోడు మండలాల ప్రజలు దివీస్ పరిశ్రమలో ఇబ్బందులు గత ఇరవై సంవత్సరాలుగా ఉత్పత్తులు కొనసాగిస్తున్నారు. ఉత్పత్తుల నుండి వెలువడిన వ్యర్థాలను నిబందనలకు విరుద్ధంగా భూగర్భంలోకి వదలడంతో పరిసర గ్రామాలలో పరిసర ప్రాంతాలు కాలుష్య కాసారాలుగా మారడంతో భూగర్భ జలాలు కనీసం వినియోగానికి పనికి రాకుండా పోయాయిని ప్రజలు ఆవేదన చెందుతున్నారు.