தாம்பரம் - மதுரவாயல் வரை 2,500 மரக்கன்று நடும் நிகழ்ச்சி

தேசிய நெடுஞ்சாலை ஆணையம் சார்பில், தாம்பரம்-மதுரவாயல் வரை 2,500 மரக்கன்றுகள் நடும் நிகழ்ச்சி நடைபெற்றது.

அதிகரித்து வரும் காற்று மாசு தாக்கத்தைக் குறைப்பதற்காக, தேசிய நெடுஞ்சாலையோரங்கள் மற்றும் சாலைகளின் நடுவே மரங்கள் நடப்பட்டு வருகின்றன. சுற்றுச்சூழலுக்கு உகந்த வகையிலான தேசிய நெடுஞ்சாலைகளை மேம்படுத்துவதற்காக, அவ்வப்போது மரம் நடும் பிரசாரங்களை தேசிய நெடுஞ்சாலை ஆணையம் நடத்துகிறது. அந்த வகையில் தமிழ்நாட்டில், சாலையோரங்கள் மற்றும் சாலை நடுவில் உள்ள தடுப்புகளில் இதுவரை 22 லட்சம் மரக்கன்றுகள் நடப்பட்டுள்ளன.