முதலமைச்சரின் கிராமசாலை மேம்பாட்டு திட்டத்தின் கீழ் மாவட்டத்தில் ₹131 கோடி மதிப்பில் 225 சாலை பணிகள் நிறைவு

திருத்தனி கிராமசபை கூட்டத்தில் அமைச்சர் சா.மு.நாசர் பேச்சு

திருத்தணி ஒன்றியம் கோரமங்கலம் கிராமத்தில் நடைபெற்ற கிராமசபை கூட்டத்தில் அமைச்சர் ஆவடி சா.மு. நாசர் பங்கேற்று தமிழக அரசின் சார்பில் செயல்படுத்தி வரும் வளர்ச்சி திட்டங்கள் குறித்து விளக்கி பொதுமக்களுக்கு விழிப்புணர்வு ஏற்படுத்தினார்.

திருவள்ளூர் மாவட்டம், திருத்தணி ஒன்றியம் கோரமங்கலம் ஊராட்சி சியில் காந்தி ஜெயந்தி விழாவை முன்னிட்டு நேற்று கிராமசபை கூட்டம் நடைபெற்றது. ஊராட்சி மன்றத் தலைவர் நரசிம்ம ராஜ் தலைமையில் நடைபெற்ற கிராமசபையில் பெண்கள் உட்பட கிராம மக்கள் ஆர்வத்துடன் கலந்துகொண்டனர்.

கூட்டத்தில், சிறப்பு அழைப்பாளர்களாக சிறு பான்மையினர் நலன் மற்றும் வெளிநாடு வாழ் தமிழர் நலத்துறை அமைச்சர் ஆவடி சா.மு. நாசர், திருவள்ளூர் கலெக்டர் த.பிரபுசங்கர், திருத்தணி எஸ்.சந்திரன் எம்எல்ஏ ஆகியோர் கலந்துக்கொண்டனர்.