புழல் அடுத்த கதிர்வேடு பகுதியில் சேதமடைந்த சாலைகளால் விபத்து ஏற்படும் அபாயம்

புழல் அடுத்த, கதிர்வேடு பகுதியில் சேதமடைந்து காணப்படும் சாலைகளால் விபத்து ஏற்படும் அபாயம் உள்ளதாக வாகன ஓட்டிகள் அச்சம் தெரிவித்துள்ளனர்.

புழல் சென்னை-கொல்கத்தா தேசிய நெடுஞ்சாலை கதிர்வேடு சந்திப்பில் இருந்து, செங்குன்றம்-செம்பியம் மாநில நெடுஞ்சாலை கதிர்வேடு மேம்பாலம் சப்வே, பெரம்பூர் செல்லும் சாலையில் ஆங்காங்கே விரிசல் ஏற்பட்டு சேதமடைந்துள்ளது. இந்நிலையில், புழல், கதிர்வேடு பகுதியில் இருந்து பெரம்பூர் செல்லும் வாகன ஓட்டிகள் குறிப்பாக மோட்டார் சைக்கிள்களில் செல்பவர்கள் சேதமடைந்த சாலைகளில் சிக்கி நிலை தடுக்காமல் கீழே விழுந்து படுகாயம் அடைந்து வருகின்றனர்.