அதிக ஒலி எழுப்பும் வெடிகளை தவிர்க்க வேண்டும் பட்டாசு வெடிக்க 2 மணி நேரம் அனுமதி

சென்னை: அதிக ஒலி எழுப்பும் வெடிகள் மற்றும் சரவெடிகளை தவிர்க்க வேண்டும் என்றும், 2 மணி நேரம் மட்டும் பட்டாசு வெடிக்க அனுமதியளிக்கப்படுவதாக தமிழ்நாடு மாசு கட்டுப்பாடு வாரியம் வேண்டுகோள் விடுத்துள்ளது.

இது குறித்து தமிழ்நாடு மாசு கட்டுப்பாடு வாரியம் வெளியிட்ட அறிக்கை: பட்டாசு உற்பத்தி மற்றும் விற்பனைக்கு தடை கோரி உச்சநீதிமன்றத்தில் தொடரப்பட்ட பொது நல வழக்கில் சுற்றுச் சூழலுக்கு உகந்த மூலபொருட்களை பயன்படுத்தி பட்டாசுகளை உற்பத்தி செய்ய வேண்டும் எனவும், வருங்காலத்தில் பசுமை பட்டாசுகளை உற்பத்தி செய்து விற்பனை செய்ய வேண்டும் எனவும் நிபந்தனைகளை விதித்து உச்ச நீதிமன்றம் கடந்த 2018ம் ஆண்டு அக்.23ம் தேதி ஆணையிட்டது.