30 ஆண்டுகளாக போடப்படாத செங்காடு கிராம சாலை

திருப்போரூர் ஒன்றியம் இள்ளலூர் ஊராட்சியில் வனத்துறையின் தடையால், கடந்த 30 ஆண்டுகளாக போடப்படாத செங்காடு கிராமச் சாலையால் பொதுமக்கள் கடும் அவதி அடைந்து வருகின்றனர்.

செங்கல்பட்டு மாவட்டம், திருப்போரூர் ஒன்றியத்திலடங்கிய இள்ளலூர் ஊராட்சியில் செங்காடு, பெரியார் நகர் ஆகிய கிராமங்கள் உள்ளன. இந்த இரண்டு கிராமங்களுக்கும் செல்வதற்கு வனப்பகுதியை கடந்தே செல்ல வேண்டிய நிலை உள்ளது. மண் மற்றும் ஜல்லி கலந்து போடப்பட்டுள்ள சாலை தற்போது புழக்கத்தில் இருந்தாலும், புதிய சாலை அமைக்க வனத்துறை தடை விதித்துள்ளது.

இதன் காரணமாக, 30 ஆண்டுகளாக புதிய சாலை அமைக்க முடியாத நிலை உள்ளது. செங்காடு கிராமத்தில் ஏராளமானோர் விவசாயப் பணிகளில் ஈடுபட்டு வருகின்றனர்.