திருவொற்றியூர் தனியார் பள்ளியில் மீண்டும் வாயு கசிவால் மாணவர்கள் மயக்கம்

திருவொற்றியூர், திருவொற்றியூர் தனியார் பள்ளியில் மீண்டும் நேற்று விஷவாயு கசிந்ததால் சில மாணவிகள் மயக்கம் அடைத்தனர்.

இதை பார்த்த மாணவ, மாணவிகள் பதற்றமடைந்து பள்ளியை விட்டு வெளியேறினர். இதையடுத்து பெற்றோர்கள் முற்றுகையிட்டு வாக்குவாதத்தில் ஈடுபட்டனர்.

கடந்த மாதம் 26ம் தேதி இதே பள்ளியில் திடீர் வாயு கசிந்ததால் 42 மாணவிகள் மயக்கமடைந்தனர். சிகிச்சை முடிந்து மாணவிகள் வீடு திரும்பினர். இதையடுத்து பள்ளி தற்காலிகமாக மூடப்பட்டது. இதைத்தொடர்ந்து, மாசு கட்டுப்பாடு வாரியம், சுகாதாரம், வருவாய், காவல், தேசிய பேரிடர் மீட்பு குழு மற்றும் பள்ளி கல்வித்துறை உள்ளிட்ட பல்வேறு துறை சார்ந்த அதிகாரிகள் பள்ளியில் நேரில் ஆய்வு நடத்தி துர்நாற்றத்துக்கும் வாயு வெளியேற்றத்துக்கும் காரணம் என்னவென்று விசாரித்தனர்.