பட்டாசு ஆலை விபத்தில் இறக்கும் தொழிலாளர்களின் குழந்தைகள் கல்வி செலவை அரசே ஏற்கும் - முதல்வர் மு.க.ஸ்டாலின் அறிவிப்பு

பட் டாசு தொழிற்சாலைகளில் ஏற்படும் விபத்துகளில் உயி ரிழந்த தொழிலாளர்களின் குழந்தைகளின் உயர்கல்வி வரையிலான செலவுகளை அரசே ஏற்கும் என்று விரு துநகரில் நேற்று நடந்த அரசு விழாவில் முதல்வர் மு.க.ஸ்டாலின் தெரிவித் தார்.

விருதுநகர், நவ. 11: பட்டாசு தொழிற்சாலைகளில் ஏற்படும் விபத்துகளில் உயிரிழந்த தொழிலாளர்களின் குழந்தைகளின் உயர்கல்வி வரையிலான செலவுகளை அரசே ஏற்கும் என்று விருதுநகரில் நேற்று நடந்த அரசு விழாவில் முதல்வர் மு.க.ஸ்டாலின் தெரிவித்தார்.

தமிழ்நாடு அரசின் நலத்திட்டங்கள் மக்களை சென்றடைவதை உறுதி செய்யும் வகையில் விருதுநகர் மாவட்டத்தில் 2 நாட்கள் கள ஆய்வு மேற்கொள்வதற்காக நேற்று முன்தினம் முதல்வர் மு.க.ஸ்டாலின் விருதுநகர் சென்றார். அன்று பட்டாசு ஆலைகளை ஆய்வு செய்து தொழிலாளர்கள் மற்றும் உரிமையாளர்களுடன் கலந்துரையாடி குறைகளை கேட்டறிந்தார்.

தொடர்ந்து, அரசு குழந்தைகள் காப்பகத்தில் ஆய்வு செய்த முதல்வர், தான் வாங்கி வந்த கேக், பிஸ்கட் மற்றும் பழங்களை அவர்களுக்கு வழங்கினார். இதனால் நெகிழ்ச்சியடைந்த மாணவிகள், முதல்வரை அப்பா என்று அழைத்து மகிழ்ந்தனர்

இதையடுத்து, விருதுநகரில் பிரமாண்ட ரோடு ஷோவில் பங்கேற்ற முதல்வர் மு.க.ஸ்டாலின், மாவட்டத்தில் நடந்து வரும் வளர்ச்சி பணிகள் குறித்து அமைச்சர்கள், அதிகாரிகளுடன் ஆலோசனை நடத்தினார். தொடர்ந்து கட்சி நிர்வாகிகளுடன் ஆலோசனை நடத்தினார்.

கோவை, விருதுநகர் கள ஆய்வில் ஒரே நாளில் கோரிக்கை நிறைவேற்றம்

விருதுநகரில் நேற்று முன்தினம் பட்டாசு ஆலைகளை ஆய்வு செய்த முதல்வர் மு.க.ஸ்டாலின், அங்கிருந்த தொழிலாளர்களிடம் குறை கேட்டறிந்தார். அப்போது பெண் தொழிலாளர்கள் சிலர், பட்டாசு ஆலைகளில் விபத்து ஏற்பட்டு தொழிலாளர்கள் உயிரிழந்தால், 'அவர்களது குழந்தைகளின் படிப்பு செலவை அரசே ஏற்க வேண்டும்' என்று கோரிக்கை வைத்தனர்.

இதையேற்று விருதுநகரில் நேற்று நடந்த அரசு விழாவில் பேசிய முதல்வர் மு.க.ஸ்டாலின், 'பட்டாசு ஆலை விபத்தில் தொழிலாளர்கள் உயிரிழந்தால் அவர்களது குழந்தைகளின் கல்வி செலவை அரசே ஏற்கும்' என்று அறிவித்தார். கோரிக்கை வைத்த ஒரே நாளில் முதல்வர் அறிவிப்பை வெளியிட்டதற்கு தொழிலாளர்கள் நன்றி தெரிவித்து உள்ளனர்.