பொது இடங்களில் விதிமீறி குப்பை கொட்டியதாக ₹71 கோடி அபராதம் வசூல்

பிஓஎஸ் இயந்திரங்களுடன் களம் இறங்கிய அதிகாரிகள்

சென்னையில் பல்வேறு வகையான விதிமீறல்களுக்கு ஸ்பாட் பைன் வசூலிக்கும் சென்னை மாநகராட்சியின் அதிரடி நடவடிக்கைக்கு தகுந்த பலனாக கடந்த ஒரு மாதத்தில் மட்டும் ரூ.1 கோடிக்கு மேல் வசூலாகியுள்ளது. வந்தாரை வரவேற்று வாழ வைக்கும் சென்னையில் உள்ளூர் மக்கள், வெளி மாவட்டங்களைச் சேர்ந்த மக்கள், வெளி மாநிலங்களைச் சேர்ந்த மக்கள் என பல லட்சக்கணக்கானோர் வசித்து வருகின்றனர். கல்வி, தொழில், வேலைவாய்ப்பு, மருத்துவம் என பொதுமக்களின் அனைத்து தேவைகளையும் பூர்த்தி செய்யும் பிரதான பகுதியாக சென்னை அமைந்துள்ளது. இதனால் சென்னையின் மக்கள் தொகை தொடர்ந்து அதிகரித்து வருகிறது. சென்னை மாநகராட்சியின் பிரதான பிரச்னைகளில் முக்கியமானதாக கருதப்படுவது குப்பை மேலாண்மை. இந்தியா முழுவதும் பரவலாக இந்த பிரச்னை காணப்படுகிறது. ஏற்கனவே, சென்னை மாநகராட்சிக்கு உட்பட்ட பகுதிகளில் பொது இடங்களில் குப்பை மற்றும் கட்டிட கழிவுகளை விதிமுறைகளை மீறி கொட்டுவோர் மற்றும் திடக்கழிவு மேலாண்மையை சரியாகப் பின்பற்றாதவர்கள் மீது திடக்கழிவு மேலாண்மை விதிகளின் அடிப்படையில் மாநகராட்சி ஊழியர்கள் அபராதம் விதித்து வருகின்றனர்.