காஞ்சிபுரம், செங்கல்பட்டு மாவட்டத்தில் இன்று முதல் டிஜிட்டல் முறையில் மது விற்பனை

டாஸ்மாக் அதிகாரிகள் தகவல்

காஞ்சிபுரம், செங்கல்பட்டு மாவட்டத்திலுள்ள 220 டாஸ்மாக் கடைகளில் இன்று முதல் டிஜிட்டல் முறையில் மது விற்பனை செய்யப்படும் என்று 4,829 டாஸ்மாக் அதிகாரிகள் தெரிவித்துள்ளனர்.

தமிழகத்தில் உள்ள 38 மாவட்டங்களில் டாஸ்மாக் மதுக்கடைகள் உள்ளன. இந்தக் கடைகளில் விற்பனை செய்யப்படும் மதுபாட்டில்களுக்கு, சில்லரை விற்பனை விலையைவிட கூடுதலாக ₹10 முதல் ₹40 வரை அதிகம் வசூலிக்கப்படுவதாக மதுப்பிரியர்களிடம் இருந்து புகார்கள் வந்த வண்ணம் இருந்தன. இதனால், டிஜிட்டல் முறையில் மது விற்பனையை மேற்கொள்ள டாஸ்மாக் நிர்வாகம் நடவடிக்கை மேற்கொண்டது.

அதன்படி, ராணிப்பேட்டை, ராமநாதபுரம் ஆகிய மாவட்டங்களில் ஏற்கனவே இந்த நடைமுறை அமலுக்கு வந்துவிட்டது. அடுத்த கட்டமாக காஞ்சிபுரம், செங்கல்பட்டு மாவட்டங்களில் அமல்படுத்த முடிவு செய்யப்பட்டு, கடந்த 9, 10 ஆகிய தேதிகளில் 2 நாட்கள் அங்குள்ள டாஸ்மாக் கடை பணியாளர்களுக்கு பயிற்சி வழங்கப்பட்டது.