ஆந்திராவில் இருந்து சென்னைக்கு கார் நம்பர் பிளேட்டை மாற்றி கஞ்சா கடத்திய 8 பேர் கைது

கொடுங்கையூர் பகுதியில் இன்ஸ்பெக்டர் சரவணன் தலைமையில் போலீசார் சோதனை நடத்தி எருக்கஞ்சேரி டிவிகே. லிங்க் ரோடு பகுதியில் ஒருவரை பிடித்து விசாரித்தனர். அவரிடம் ஏராளமான கஞ்சா பொட்டலங்கள் இருந்ததால் காவல்நிலையம் அழைத்து சென்று விசாரணை நடத்தினர்.

இதில் மாதவரம் பாரதியார் தெருவை சேர்ந்த ஆட்டோ டிரைவர் ஜானகிராமன் (32) என்பது தெரிந்தது. இவர் மீது ஏற்கனவே 9 குற்ற வழக்குகள் உள்ளது. யாரிடம் இருந்து கஞ்சாவை வாங்கி விற்பனை செய்தார் என்று போலீசார் தீவிர விசாரணை நடத்தினர்.