பலி எண்ணிக்கை 4 ஆக உயர்வு சம்பல் கலவரத்தால் பதற்றம் நீடிப்பு

உபி மாநிலம் சம்பல் கலவர பலி 4 ஆக அதிகரித்துள்ளது. சமாஜ்வாடி எம்பி, எம்எல்ஏ மகன் மீது வழக்குப்பதிவு செய்யப்பட்டுள்ளது.

பள்ளிகளுக்கு விடுமுறை அளிக்கப்பட்டுள்ளது. இணையதளம் துண்டிக்கப்பட்டுள்ளது.
உத்தரபிரதேச மாநிலம் சம்பல் நகரில் முகலாயர் காலத்து ஜமா மசூதி கட்டப்​படு​வதற்கு முன்பாக அந்த இடத்​தில் ஹரிஹர் என்ற இந்து கோயில் இருந்​த​தாக​வும், முகலாய பேரரசர் பாபரால் 1529ல் அந்த கோயில் இடிக்கப்பட்டதாகவும், எனவே அந்த இடத்​தில் ஆய்வு நடத்தி உண்மை தன்மையை சரிபார்க்க கோரியும் சம்பல் மாவட்ட நீதி​மன்​றத்​தில் வழக்கு தொடரப்​பட்​டது.

இதையடுத்து, அந்த மசூதி​யில் ஆய்வு நடத்த நீதி​மன்றம் உத்தர​விட்​டது. ​தொடர்ந்து தொல்​லியல்துறை அதிகாரிகள் ஆய்வு மேற்​கொள்​வதற்காக சம்பல் பகுதி​யில் உள்ள ஜமா மசூதிக்கு சென்றனர். அங்கு கூடி​யிருந்த மக்கள் மசூதி​யில் ஆய்வு நடத்து​வதற்கு கடும் எதிர்ப்பு தெரி​வித்​தனர். அப்போது போராட்​டக்​காரர்​களுக்​கும், பாது​காப்பு பணியில் ஈடுபட்டிருந்த போலீ​சாருக்​கும் இடையே மோதல் வெடித்​தது. அப்பகுதியில் ஆயிரத்​துக்​கும் மேற்​பட்​டோர் கூடிய நிலை​யில், மசூதிக்​குள் போலீ​சார் நுழைவதை அந்த கும்பல் தடுக்க முயன்​றது. அப்போது, கூட்​டத்​தில் இருந்த சிலர் போலீ​சாரை நோக்கி கற்களை வீசி தாக்​குதல் நடத்த தொடங்​கினர். பத்துக்​கும் மேற்​பட்ட வாகனங்​களுக்கு அந்த கும்பல் தீவைத்து வன்முறை​யில் ஈடுபட்​டது.

இதையடுத்து, கலவரத்தை கட்டுப்​படுத்த போலீசார் கண்ணீர் புகை குண்​டுகளை வீசி கும்பலை கலைத்​தனர். இந்த வன்முறை சம்பவத்​தில் உயிரிழந்தோர் எண்ணிக்கை 4ஆக அதிகரித்துள்ளது. 30க்​கும் மேற்​பட்ட போலீசார் காயமடைந்​தனர். துணை கலெக்டர் காலில் குண்டு பாய்ந்துள்ளது. அப்பகுதியில் தொடர்ந்து பதற்றம் நிலவுவதால் ஜமா மசூதி அமைந்​துள்ள பகுதி​யில் பாது​காப்பு பலப்​படுத்​தப்​பட்​டுள்​ளது. பள்ளிகளுக்கு விடுமுறை அறிவிக்கப்பட்டது.
இணைய வசதி முடக்கப்பட்டது. வன்முறை சம்பவத்தில் ஈடுபட்ட நபர்களை போலீசார் தேடி வருகின்றனர்.