எண்ணூர் தாமரை குளத்தில் உள்ள 52 ஆக்கிரமிப்பு வீடுகளை அகற்றும் பணி தொடக்கம்

மாநகராட்சி அதிகாரிகள் நடவடிக்கை

எண்ணூர் தாமரை குளத்தில் உள்ள 52 ஆக்கிரமிப்பு வீடுகளை அகற்றும் பணியை மாநகராட்சி அதிகாரிகள் தொடங்கியுள்ளனர்.

திருவொற்றியூர் மண்டலம், 1வது வார்டு, சத்தியவாணி முத்து நகர் அருகே மாநகராட்சிக்கு சொந்தமான தாமரை குளம் உள்ளது. சுமார் 5.32 ஏக்கர் பரப்பளவு கொண்ட இந்த குளத்திற்கு மழைக்காலத்தில் சுற்று வட்டாரத்திலிருந்து மழைநீர் வருவதால் மழைநீரை சேமிக்கவும், நிலத்தடி நீரை பாதுகாக்கவும் இந்த குளம் பயன்பட்டு வருகிறது.