வடகடலோர மாவட்டங்களில் 17. 18ம் தேதிகளில் கனமழை

அடுத்த 48 மணி நேத்தில் புதிய காற்றழுத்த தாழ்வு பகுதி உருவாகிறது.

இதனால் வடகடலோர மாவட்டங்களில் 17, 18ம் தேதிகளில் கனமழை பெய்யக்கூடும் என்றும், அடுத்த நகர்வுகளை பொறுத்தே சென்னையில் மழை அளவை கணிக்க முடியும் என்றும் வானிலை ஆய்வு மையம் தெரிவித்துள்ளது. சென்னை வானிலை ஆய்வு மைய தென்மண்டல தலைவர் பாலச்சந்திரன் அளித்த பேட்டி:
மன்னார் வளைகுடா மற்றும் அதனை ஓட்டிய பகுதிகளில் நேற்று நிலவிய காற்றழுத்த தாழ்வு பகுதி இன்று லட்சத்தீவு-மாலத்தீவு பகுதிகளில் நிலவுகிறது. இது தொடர்ந்து படிப்படியாக மேற்கு திசையில் நகர்ந்து வலுவிழக்கக் கூடும்.

இதன் காரணமாக கடந்த 24 மணி நேரத்தில் தமிழகம், புதுவை காரைக்கால் பகுதிகளில் வடகிழக்கு பருவமழை மிக தீவிரமாக உள்ளது.  பெரும்பாலான இடங்களில் கனமழை முதல் மிக கனமழை பெய்துள்ளது. 29 இடங்களில் அதிகனமழையும், 81 இடங்களில் மிக கனமழையும், 168 இடங்களில் கனமழையும் பதிவாகியுள்ளது. அதிகப்பட்சமாக திருநெல்வேலி மாவட்டம் ஊத்து பகுதியில் 54 சென்டி மீட்டர் பெய்துள்ளது. ரெட் அலர்ட் கொடுத்திருந்த 3 மாவட்டங்களிலும் அதிகனமழை பதிவாகியுள்ளது.