பல்லாவரத்தில் குடிநீரில் கழிவுநீர் கலந்த விவகாரம் மைக்ரோ பயாலஜி சோதனையில் கிருமி பாதிப்பில்லை என தகவல்

தாம்பரம் மாநகராட்சி, 13வது வார்டு மற்றும் பல்லாவரம் காந்தோன்மென்ட் 6வது வார்டு பகுதியை சேர்ந்த பொதுமக்கள் வயிற்றுப் போக்கு பாதிப்பால் கடந்த 5ம் தேதி குரோம் பேட்டை அரசு மருதுவமனையில் 90க்கும் மேற்பட்டோர் அனுமதிக்கப்பட்டு சிகிச்சை பெற்று பின்னர் வீடு திரும்பினர்.

அதேபோல் சென்னை ராஜிவ் காந்தி அரசு மருத்துவமனை மற்றும் தனியார் மருத்துவமனைகளில் சிலர் அனுமதிக்கப்பட்டு சிகிச்சை முடிந்து வீடு திரும்பினர்.

இதில் திருவேதி, மோகனரங்கம் ஆகிய இருவர் உயிரிழந்த நிலையில் கழிவுநீர் கலந்த குடிநீர் குடித்ததால் தான் அவர்கள் உயிரிழந்தார்கள் என்ற புகார் எழுந்தது.

இதனை தொடர்ந்து அவர்களது உடல்கள் உடற்கூறாய்வு செய்யப்படுபட்டு அந்த உடற்கூறாய்வு முடிவு வந்த பிறகு தான் இறப்பிற்கான காரணம் தெரியும் என மருத்துவர்கள் தெரிவித்திருந்தனர்.

இந்நிலையில் அவர்கள் இருவரின் நுண்ணுயிர் பகுப்பாய்வு முடிவுகள் வெளியாகிறது.