சபரிமலையில் 10 மணி நேரத்திற்கு மேல் காத்திருக்கும் பக்தர்கள்

சபரிமலையில் 18ம் படியில் ஏறும் வேகம் குறைந்ததால் கடந்த சில தினங்களாக தரிசனத்திற்கு பக்தர்கள் 10 மணிநேரத்திற்கும் மேல் வரிசையில் காத்திருக்கின்றனர்.

சபரிமலை ஐயப்பன் கோயிலில் தற்போது மகரவிளக்கு கால பூஜைகள் நடந்து வருகின்றன. புத்தாண்டு என்பதால் கடந்த 31ம் தேதி முதல் தொடர்ந்து பக்தர்கள் குவிந்து வருகின்றனர். கடந்த மண்டல காலத்தில் பக்தர்கள் கட்டுக்கடங்காமல் குவிந்த போதிலும் 18ம் படியில் ஏறும் வேகம் அதிகமாக இருந்ததால் நீண்ட நேரம் பக்தர்களுக்கு வரிசையில் காத்திருக்க வேண்டிய நிலை ஏற்படவில்லை.