தாய், சேய் இறப்பு விகிதத்தை குறைக்கும் வகையில் பாதிப்பு மிகுந்த, அதிக ஆபத்துள்ள கர்ப்பிணிகளுக்கு நலஉதவி மையம்

ரிப்பன் மாளிகையில் திறக்கப்பட்டது

சென்னை மாநகராட்சியில் 2024-25ம் ஆண்டு நிதிநிலை அறிக்கை அறிவிப்பின்படி, பாதிப்புக்குள்ளான கர்ப்பிணிகளுக்கான நல உதவி மையத்தை, ரிப்பன் மாளிகை வளாக அலுவலகத்தில், மேயர் பிரியா தொடங்கி வைத்தார். சென்னை மாநகராட்சியில் 140 ஆரம்ப சுகாதார நிலையங்கள், 16 நகர்ப்புற சமுதாய நல மையங்கள், 24 மணி நேரமும் இயங்கும் 3 மகப்பேறு மருத்துவமனைகள், 1 தொற்றுநோய் மருத்துவமனை, 140 நகர்ப்புற நலவாழ்வு மையங்கள் என மொத்தம் 300 மருத்துவ மையங்கள் மூலம் பொதுமக்களுக்கு சுகாதார சேவைகள் வழங்கப்பட்டு வருகிறது. சென்னை மாநகராட்சியில் 486 நகர்ப்புற சுகாதார செவிலியர்கள் மற்றும் 300 துணை மருத்துவ செவிலியர்கள் என மொத்தம் 786 செவிலியர்கள் உள்ளனர்.