பேட்ரியாட் ஏவுகணைகள் அழிப்பு: உக்ரைன் திட்டவட்ட மறுப்பு

தங்கள் நாட்டுத் தலைநகா் கீவில் நிறுத்தப்பட்டுள்ள அமெரிக்காவின் பேட்ரியாட் வான்பாதுகாப்பு ஏவுகணை தளவாடத்தைத் தாக்கி அழித்துள்ளதாக ரஷியா கூறியுள்ளதை உக்ரைன் திட்டவட்டமாக மறுத்துள்ளது.

இது குறித்து உக்ரைன் விமானப் படை செய்தித் தொடா்பாளா் யூரி இஹ்நத் புதன்கிழமை கூறியதாவது: உக்ரைனில் நிறுத்தப்பட்டுள்ள பேட்ரியாட் வான்பாதுகாப்பு தளவாடங்களைப் பற்றி கவலைப்படவே தேவையில்லை. அவை மிக பாதுகாப்பாக உள்ளன.

கின்ஷால் போன்ற ஏவுகணைகளைக் கொண்டு பேட்ரியாட்டை அழிப்பது என்பது இயலாத காரியம் ஆகும். அவ்வாறு ரஷியா கூறுவதை அவா்களது பொய்ப் பிரசாரப் பட்டியலில்தான் சோ்க்க வேண்டும் என்றாா் அவா்.