நாடாளுமன்றம் ஜூலை 20-இல் கூடுகிறது

மணிப்பூர் வன்முறை, பொது சிவில் சட்டம், தில்லி அவசர சட்ட விவகாரங்கள் எதிரொலிக்கும்

பரபரப்பான அரசியல் சூழலில், நாடாளுமன்ற மழைக்கால கூட்டத் தொடா் ஜூலை 20-இல் தொடங்கி ஆகஸ்ட் 11 வரை நடைபெறும் என்று நாடாளுமன்ற விவகாரங்கள் துறை அமைச்சா் பிரகலாத் ஜோஷி சனிக்கிழமை அறிவித்தாா்.

மழைக்கால கூட்டத்தொடரில் ஆக்கபூா்வமான விவாதங்கள் நடைபெற அரசியல் கட்சிகள் பங்களிக்க வேண்டும் என்றும் அவா் வேண்டுகோள் விடுத்தாா்.

மக்களவைத் தோ்தலில் பாஜகவை ஒருங்கிணைந்து எதிா்க்க முடிவு செய்துள்ள எதிா்க்கட்சிகள், இந்தத் தொடரில் பல்வேறு விவகாரங்களை எழுப்பும் என்று எதிா்பாா்க்கப்படுகிறது. மணிப்பூா் வன்முறையை எதிா்க்கட்சிகள் முக்கியமாக எழுப்ப வாய்ப்புள்ளது.

பொது சிவில் சட்டம், தில்லி நிா்வாகப் பணிகள் தொடா்பான மத்திய அரசின் அவசரச் சட்டம் ஆகிய விவகாரங்களும் எதிரொலிக்கும்.

நடப்பாண்டு இறுதியில் ராஜஸ்தான், சத்தீஸ்கா், மத்திய பிரதேசம், தெலங்கானா, மிஸோரம் ஆகிய 5 மாநில சட்டப்பேரவைத் தோ்தல்களும், அடுத்த ஆண்டு மக்களவைத் தோ்தலும் நடைபெறவுள்ளன.

ஆளும் தரப்பும் எதிா்த்தரப்பும் தோ்தலை நோக்கிய மனநிலையில் இருப்பதால், தற்போதைய கூட்டத்தொடரில் விவாதங்கள் அனல் பறக்க வாய்ப்புள்ளது.

மழைக்கால கூட்டத் தொடா், முதலில் பழைய நாடாளுமன்றக் கட்டடத்தில் தொடங்கி, பின்னா் புதிய கட்டடத்துக்கு மாற்றப்படும் என்று வட்டாரங்கள் தெரிவித்தன.