பெரும்பாலான இடங்களில் திரிணமூல் காங்கிரஸ் வெற்றி

மேற்கு வங்க ஊரக உள்ளாட்சித் தேர்தல்

மேற்கு வங்க ஊரக உள்ளாட்சித் தோ்தலில், 30,391 கிராம ஊராட்சி இடங்களை ஆளும் திரிணமூல் காங்கிரஸ் கட்சி கைப்பற்றியுள்ளது. மேலும் 1,767 இடங்களில் அக்கட்சி முன்னிலை வகித்து வருகிறது.

மொத்தம் உள்ள 63,229 கிராம ஊராட்சி இடங்களுக்கான தோ்தலில் எதிா்க்கட்சியான பாஜக 8,239 இடங்களில் வெற்றி பெற்றும், 447 இடங்களில் முன்னிலையும் வகித்து வருகிறது. மாா்க்சிஸ்ட் கட்சி 2,534 இடங்களில் வெற்றி பெற்றும், 237 இடங்களில் முன்னிலையும், காங்கிரஸ் கட்சி 2,158 இடங்களில் வெற்றி பெற்றும், 151 இடங்களில் முன்னிலையும் வகித்து வருகின்றன.

திரிணமூல் காங்கிரஸில் இருந்து பிரிந்து தனியாக போட்டியிட்டவா்கள் மற்றும் சுயேச்சைகள் 1,656 கிராம ஊராட்சி இடங்களில் வெற்றி பெற்றும், 104 இடங்களில் முன்னிலையும் வகித்து வருகின்றனா். புதிதாக தொடங்கப்பட்ட ஐஎஸ்எஃப் கட்சி 937 இடங்களில் வெற்றி பெற்றும், 190 இடங்களில் முன்னிலையும் வகித்து வருகிறது. செவ்வாய்க்கிழமை இரவு 11.30 மணிவரையில் மேற்கண்ட முடிவுகள் அறிவிக்கப்பட்டன.