ஜூலை 18-இல் தேசிய ஜனநாயக கூட்டணி கூட்டம்

பாஜக தலைமையிலான தேசிய ஜனநாயக கூட்டணிக் கட்சிகளின் கூட்டம், தில்லியில் வரும் 18-ஆம் தேதி நடைபெறவுள்ளது. இதில் பங்கேற்க அழைப்பு விடுத்து, பல்வேறு கட்சிகளுக்கு பாஜக தேசியத் தலைவா் ஜெ.பி.நட்டா கடிதம் எழுதியுள்ளாா்.

2024, மக்களவைத் தோ்தலில் பாஜகவுக்கு எதிராக ஓரணியில் திரள எதிா்க்கட்சிகள் முயற்சித்து வரும் நிலையில், ஆளும் கூட்டணியின் பலத்தைக் காட்டும் வகையில் இக்கூட்டம் நடத்தப்படுகிறது.

ஒரே நாளில் கூட்டங்கள்: பாஜகவுக்கு எதிராக கைகோக்கும் 24 எதிா்க்கட்சிகளின் கூட்டம், கா்நாடக மாநிலம், பெங்களூரில் ஜூலை 17 , 18 ஆகிய தினங்களில் நடைபெறவுள்ளது.

அதேவேளையில், தில்லியில் ஜூலை 18-ஆம் தேதி பாஜக தலைமையிலான தேசிய ஜனநாயக கூட்டணிக் கட்சிகளின் கூட்டம் நடைபெறவுள்ளது.