மணிப்பூர் விவாதத்துக்கு ஒத்துழைப்பு அளிக்க எதிர்க்கட்சித் தலைவர்களுக்கு அமித் ஷா கடிதம்

நாடாளுமன்றத்தில் நான்காம் நாளாக தொடர்ந்த அமளி

மணிப்பூ விவகாரத்தை முன்வைத்து நாடாளுமன்ற இரு அவைகளிலும் எதிா்க்கட்சிகள் நான்காவது நாளாக செவ்வாய்க்கிழமையும் தொடா் அமளியில் ஈடுபட்ட நிலையில், ‘மணிப்பூா் விவகாரம் குறித்து விவாதிக்க அரசு தயாராக உள்ளது’ என்று குறிப்பிட்டு மக்களவை மற்றும் மாநிலங்களவை எதிா்க் கட்சித் தலைவா்களுக்கு மத்திய உள்துறை அமைச்சா் அமித் ஷா கடிதம் எழுதியுள்ளாா்.

இத் தகவலை மக்களவையில் அமித் ஷா செவ்வாய்க்கிழமை தெரிவித்தாா்.

மாநிலங்களவை எதிா்க் கட்சித் தலைவரான மல்லிகாா்ஜுன காா்கே மற்றும் மக்களவை எதிா்க் கட்சித் தலைவரான அதீா் ரஞ்சன் செளதரி ஆகிய இருவருக்கும் இந்தக் கடிதத்தை அவா் எழுதியுள்ளாா்.

அதில், ‘முக்கியத்துவம்வாய்ந்த மணிப்பூா் விவகாரம் குறித்து நாடாளுமன்ற இரு அவைகளிலும் விவாதம் நடத்த ஒத்துழைப்பு அளிக்க வேண்டும்’ என்று அமித் ஷா கேட்டுக்கொண்டுள்ளாா்.

மணிப்பூரில் பழங்குடியின அந்தஸ்து தொடா்பாக பெரும்பான்மை மைதேயி சமூகத்தினருக்கும் குகி பழங்குடியின சமூகத்தினருக்கும் இடையே மோதல் நீடித்து வரும் நிலையில், அங்கு பழங்குடியின பெண்கள் இருவா் ஆடைகளின்றி இழுத்து செல்லப்பட்ட விடியோ அண்மையில் வெளியானது நாடு முழுவதும் பெரும் அதிா்ச்சியை ஏற்படுத்தியது.

நாடாளுமன்ற மழைக்கால கூட்டத் தொடா் கடந்த 20-ஆம் தேதி தொடங்கிய நிலையில், மணிப்பூா் விவகாரத்தை முன்வைத்து எதிா்க்கட்சிகள் தொடா் அமளியில் ஈடுபட்டு வருகின்றனா்.