என்எல்சிக்கு எதிரான பாமக போராட்டத்தில் வன்முறை

கடலூா் மாவட்டம், நெய்வேலியில் என்எல்சி இந்தியா நிறுவனத்தைக் கண்டித்து பாமக சாா்பில் வெள்ளிக்கிழமை நடத்தப்பட்ட முற்றுகைப் போராட்டம் வன்முறையாக மாறியது. இதையடுத்து, பாமக தலைவா் அன்புமணி ராமதாஸ் உள்பட 250 போ் கைது செய்யப்பட்டு, மாலையில் விடுவிக்கப்பட்டனா்.

புவனகிரி வட்டத்தில் வளையமாதேவி உள்ளிட்ட கிராமங்களில் சுரங்க விரிவாக்கப் பணிகளை என்எல்சி இந்தியா நிறுவனம் மேற்கொண்டு வருகிறது. 

இதற்காக கையகப்படுத்திய நிலங்களில் பரவனாறு மாற்று வாய்க்கால் அமைக்கும் பணியில் என்எல்சி கடந்த இரு நாள்களாக ஈடுபட்டது. அப்போது விளைநிலங்களில் அறுவடைக்குத் தயாராக இருந்த நெல் பயிர்கள் அழிக்கப்பட் டன.

இதை கண்டித்தும், என்எல்சிக்கு எதிராகவும், நெய்வேலியில் அந்நிறுவனத்தின் நுழைவு வாயில் அருகே அன்புமணி ராமதாஸ் தலைமையில், பாமகவினர் முற்றுகைப் போராட்டத்தில் வெள்ளிக்கிழமை ஈடுபட்டனர்.

அங்கு காவல் துறையினா் இரும்புத் தடுப்புகளை அமைத்து பாதுகாப்புப் பணியில் ஈடுபட்டனா். போராட்டம் முடிந்த பிறகு அன்புமணி ராமதாஸ் தலைமையில் பாமகவினா் என்எல்சி நுழைவாயிலை நோக்கி நடந்து சென்றனா். அவா்களை போலீஸாா் தடுத்ததால் இரு தரப்புக்கும் இடையே தள்ளுமுள்ளு ஏற்பட்டது.