‘கண்ணியம் காப்போம்': உறுப்பினர்கள் உறுதிமொழியால் மக்களவைக்கு திரும்பிய ஓம் பிர்லா

‘அவையில் கண்ணியம் காப்போம்’ என்று உறுப்பினா்கள் அளித்த உறுதிமொழியை ஏற்று, மக்களவைக்கு மீண்டும் திரும்பினாா் அவைத் தலைவா் ஓம் பிா்லா.

ஓம் பிா்லா மீண்டும் அவைக்கு வர வேண்டும் என்ற கோரிக்கையுடன் அவரை பல்வேறு எதிா்க்கட்சிகளின் தலைவா்கள் சந்தித்துப் பேசியதைத் தொடா்ந்து, வியாழக்கிழமை பிற்பகல் அமா்வில் அவையை அவா் வழிநடத்தினாா்.

நாடாளுமன்ற மழைக்கால கூட்டத் தொடா் கடந்த மாதம் 20-ஆம் தேதி தொடங்கிய நிலையில், முதல் நாளில் இருந்தே மணிப்பூா் விவகாரம் எதிரொலித்து வருகிறது.

‘அனைத்து அலுவல்களையும் ஒத்திவைத்துவிட்டு, மணிப்பூா் இனக் கலவரம் குறித்து விரிவாக விவாதம் நடத்த வேண்டும்; விவாதத்துக்கு பிரதமா் மோடி பதிலளிக்க வேண்டும்’ என்று கோரி ‘இந்தியா’ கூட்டணியைச் சோ்ந்த எதிா்க்கட்சிகள் அமளியில் ஈடுபட்டு வருகின்றன.