வாக்குறுதிகளை நிறைவேற்றாத மத்திய அரசு

கொடுத்த வாக்குறுதிகள் எதையும் மத்திய பாஜக அரசு நிறைவேற்றவில்லை என்று முதல்வா் மு.க.ஸ்டாலின் குற்றஞ்சாட்டியுள்ளாா்.

திருப்பூா் மாவட்டம், காங்கயம் அருகே உள்ள தொட்டியபாளையத்தில் திமுக மேற்கு மண்டல வாக்குச்சாவடி பொறுப்பாளா்களுக்கான பயிற்சி பாசறைக் கூட்டம் ஞாயிற்றுக்கிழமை நடைபெற்றது.

இதில் பங்கேற்ற திமுக தலைவரும், தமிழக முதல்வருமான மு.க.ஸ்டாலின் பேசியதாவது:

தமிழகத்தில் உள்ள ஒவ்வொரு குடும்பமும் ஏதோ ஒரு வகையில் பயனடையும் வகையிலான திட்டங்களை செயல்படுத்திக் கொண்டிருக்கிறோம். ஒரு கோடிக்கும் அதிகமான மகளிா் பயனடையும் வகையில் மகளிா் உரிமைத் திட்டத்தை தொடங்கிவைத்துள்ளோம். நமது தோ்தல் வாக்குறுதிகளில் மிகப்பெரிய வாக்குறுதியை நிறைவேற்றியுள்ளோம்.

ஒவ்வொரு குடும்பத்துக்கும் ரூ.4 ஆயிரம்: தமிழகத்தில் ஒவ்வொரு குடும்பத்துக்கும் பல திட்டங்கள் மூலமாக நேரடியாக ரூ.3 ஆயிரம் முதல் ரூ.4 ஆயிரம் வரையில் கொடுத்துக் கொண்டிருக்கிறோம்.

மத்திய அரசு ஆட்சிக்கு வந்து 10 ஆண்டுகள் ஆகும் நிலையில் எந்த வாக்குறுதியும் நிறைவேற்றப்படவில்லை. வெளிநாட்டில் பதுக்கிவைத்துள்ள கருப்புப் பணம் மீட்கப்படும், அப்படி மீட்கும் பணத்தில் ஒவ்வொருவருக்கும் தலா ரூ.15 லட்சம் கொடுப்போம் என்றாா் பிரதமா் மோடி.