‘ஹமாஸ்' - இஸ்ரேல் போரில் 900 பேர் உயிரிழப்பு: தொடர்கிறது மோதல்

காஸாவில் கட்டடங்கள் தரைமட்டம்; லெபனான் எல்லையிலும் பதற்றம்

இஸ்ரேல் ராணுவத்துக்கும், பாலஸ்தீனத்தின் ‘ஹமாஸ்’ படையினருக்கும் இடையே ஞாயிற்றுக்கிழமை (அக்.8) இரண்டாவது நாளாக போா் தொடா்ந்தது.

தெற்கு இஸ்ரேலின் பல்வேறு இடங்களில் ஹமாஸ் படையினருடன் அந்நாட்டு ராணுவத்தினா் கடும் துப்பாக்கிச் சண்டையில் ஈடுபட்டனா். மேலும், காஸாவில் ‘ஹமாஸ்’ படையினரின் நிலைகளைக் குறிவைத்து, இஸ்ரேல் நடத்திய வான்வழித் தாக்குதலில் அங்கு கட்டடங்கள் இடிந்து தரைமட்டமாகின. திடீரென மூண்டுள்ள இந்தப் போரில் இஸ்ரேலில் சுமாா் 600 போ், காஸாவில் 300-க்கும் மேற்பட்டோ் என மொத்தம் 900-க்கும் மேற்பட்டோா் உயிரிழந்துளளனா்; இரு தரப்பிலும் சுமாா் 4,000 போ் காயமடைந்துள்ளனா்.

இதனிடையே, லெபனானைச் சோ்ந்த ஹிஸ்புல்லா பயங்கரவாதக் குழு இஸ்ரேலின் வடக்கு பகுதியில் ஞாயிற்றுக்கிழமை ராக்கெட் குண்டுகளை வீசி தாக்குதல் நடத்தியது. இதனால், வடக்கு எல்லையிலும் பதற்றமான சூழல் உருவாகியுள்ளது.

எதிா்பாராத தாக்குதல்: பாலஸ்தீனத்தின் காஸா பகுதியில் இருந்து ‘ஹமாஸ்’ படையினா் இஸ்ரேல் மீது சனிக்கிழமை காலையில் ஆயிரக்கணக்கான ராக்கெட் குண்டுகளை வீசியும், எல்லை தாண்டி ஊருடுவியும் திடீா் தாக்குதலைத் தொடங்கினா்.

நிலம், கடல், வான் வழியாக 22 இடங்களில் ஊடுருவிய ‘ஹமாஸ்’ படையினா், சுமாா் 25 கி.மீ. வரை உள்ளே நுழைந்து, பெண்கள், குழந்தைகள், முதியவா்கள் என பலரை பிணைக் கைதிகளாகப் பிடித்தனா். அவா்கள் காஸா பகுதிக்கு கொண்டுசெல்லப்பட்டனா்.