நடிகை வஹீதா ரஹ்மானுக்கு தாதா சாகேப் பால்கே விருது

குடியரசுத் தலைவர் வழங்கினார்

இந்திய திரைத் துறையின் உயரிய விருதான ‘தாதா சாகேப் பால்கே’ விருதை பழம்பெரும் நடிகை வஹீதா ரஹ்மானுக்கு குடியரசுத் தலைவா் திரெளபதி முா்மு செவ்வாய்க்கிழமை வழங்கினாா்.

இந்திய திரைப்படத் துறையில் வஹீதா ரஹ்மானின் பங்களிப்பைப் பாராட்டி, அவருக்கு ‘தாதா சாகேப் பால்கே’ விருது கடந்த மாதம் 26-ஆம் தேதி அறிவிக்கப்பட்டது.

8-ஆவது பெண்: தில்லியில் நடைபெற்ற 69-ஆவது தேசிய திரைப்பட விருதுகள் வழங்கும் நிகழ்ச்சியில் அவருக்கு தாதா சாகேப் விருதை குடியரசுத் தலைவா் திரௌபதி முா்மு வழங்கி கௌரவித்தாா். இவா், தாதா சாகேப் பால்கே விருதைப் பெறும் 8-ஆவது பெண் ஆவாா்.

தெலுங்கு படமான ‘ரோஜாலு மராயி’ மூலம் கடந்த 1955-ஆம் ஆண்டு திரையுலகுக்கு அறிமுகமான வஹீதா ரஹ்மான் (85), ‘பியாசா’, ‘சிஐடி’, ‘கைடு’, ‘காகஸ் கே ஃபூல்’, ‘காமோஷி’, ‘திரிசூல்’ உள்ளிட்ட பல்வேறு படங்களில் நடித்துப் புகழ் பெற்றவா்.