சென்னைக்கு குடிநீர் வழங்கும் ஏரிகள் 76% நிரம்பின

தொடர்ந்து பெய்து வரும் கனமழை காரணமாக சென்னைக்கு குடிநீர் வழங்கும் ஏரிகள் 76 சதவீதத்துக்கு மேல் நிரம்பி உள்ளன என்று அதிகாரிகள் தெரிவித்துள்ளனர்.

செம்பரம்பாக்கம் ஏரி நிரம்ப இன்னும் 2 அடி மட்டும் தேவைப்படும் நிலையில் ஏரிக்கு நீர்வரத்து விநாடிக்கு 164 கன அடியாக உயர்ந்துள்ளது.

சென்னைக்கு குடிநீர் வழங்கும் ஏரிகளின் நீர்ப் பிடிப்புப் பகுதிகளில் தொடர்ந்து பெய்து வரும் பலத்த மழை காரணமாக ஏரிகள் வேகமாக நிரம்பி வருகின்றன.

ஞாயிற்றுக்கிழமை நிலவரப்படி சென்னைக்கு குடிநீர் வழங்கும், பூண்டி, புழல், செம்பரம்பாக்கம், சோழவரம், கண்ணன் கோட்டை ஆகிய 5 ஏரிகளின் மொத்த நீர் இருப்பு 8,964 கன அடியாக உயர்ந்துள்ளது.