டிச.5-இல் கரையைக் கடக்கிறது புயல் - பலத்த மழை எச்சரிக்கை

வங்கக் கடலில் நிலை கொண்டுள்ள 'மிக்ஜம்' புயல் டிச.5-ஆம் தேதி முற்பகல் ஆந்திர மாநிலம் நெல்லூர் -மசூலிப்பட்டி னம் இடையே கரையைக் கடக்கும் என சென்னை வானிலை ஆய்வு மையம் தெரிவித்துள்ளது.

இதன் காரணமாக மயிலாடுதுறை, சென்னை, திருவள்ளூர் உள்ளிட்ட மாவட்டங்களுக்கு பலத்த மழைக்கான ஆரஞ்ச் எச்சரிக்கை விடுக்கப்பட்டுள்ளது.

இது குறித்து வானிலை ஆய்வு மைய தென்மண்டலத் தலைவர் பாலசந்திரன் வெள்ளிக்கிழமை வெளியிட்ட செய்தி: 

தென்கிழக்கு வங்கக் கடலில் நிலவிய ஆழ்ந்த காற்றழுத்தத் தாழ்வுப் பகுதி மேற்கு-வடமேற்கு திசையில் நகர்ந்து வெள்ளிக்கிழமை காற்றழுத்தத் தாழ்வு மண்டலமாக வலுப்பெற்று, சென்னைக்கு கிழக்கு-தென்கிழக்கே சுமார் 780 கி.மீ. தொலைவிலும், மசூலிப்பட்டினத் திற்கு (ஆந்திரம்) தென்கிழக்கே சுமார் 940 கி.மீ. தொலைவிலும் நிலைகொண்டுள்ளது.

இது மேலும் மேற்கு-வடமேற்கு திசையில் நகர்ந்து சனிக்கிழமை ஆழ்ந்த காற்றழுத்தத் தாழ்வு மண் டலமாக வலுப்பெற்று, டிச. 3ஆம் தேதி தென்மேற்கு வங்கக்கடல் பகுதியில் புயலாக வலுப்பெறக்கூடும்.