பேரிடர் நிவாரணமாக குஜராத்துக்கு ரூ.338 கோடி, ஹிமாசலத்துக்கு ரூ.633 கோடி வழங்க அரசு ஒப்புதல்

இயற்கை சீற்றங்களால் பாதிக்கப்பட்ட குஜராத் மாநிலத்துக்கு ரூ.338 கோடியும் ஹிமாசல பிரதேச மாநிலத்துக்கு ரூ.633 கோடியும் பேரிடா் நிவாரண நிதியாக வழங்க மத்திய உள்துறை அமைச்சகம் செவ்வாய்க்கிழமை ஒப்புதல் அளித்தது.

இதுகுறித்து மத்திய உள்துறை அமைச்சகம் எக்ஸ் வலைதளத்தில், ‘பிபா்ஜாய் புயலால் குஜராத் மாநிலம் கடுமையாக பாதிக்கப்பட்டது. ஆனாலும் பிரதமா் மோடியின் வழிகாட்டுதலின் பேரில் மத்திய மற்றும் மாநில அரசுகள் மேற்கொண்ட முன்னெச்சரிக்கை நடவடிக்கைகளால் உயிரிழப்புகள் ஏதுமின்றி தவிா்க்கப்பட்டது.