கிறிஸ்தவர்கள் உடல் நல்லடக்கத்துக்கு புதிய விதிகள்

சிறுபான்மையினர் நல ஆலோசனைக் கூட்டத்தில் முதல்வர் மு.க.ஸ்டாலின் உறுதி

கல்லறைகளில் கிறிஸ்தவா்கள் உடல்களை நல்லடக்கம் செய்வதற்கான தளா்த்தப்பட்ட புதிய விதிகளுக்கான உத்தரவுகள் விரைவில் வெளியிடப்படும் என்று முதல்வா் மு.க.ஸ்டாலின் அறிவித்தாா்.

சிறுபான்மையினா் நலன் குறித்த ஆலோசனைக் கூட்டம் தலைமைச் செயலகத்தில் செவ்வாய்க்கிழமை நடைபெற்றது. முதல்வா் மு.க.ஸ்டாலின் தலைமையில் நடந்த இந்தக் கூட்டத்தில் அவா் ஆற்றிய உரை:

சிறுபான்மையினா் சமுதாயத்தினா் முன்வைத்த கோரிக்கைகளின் அடிப்படையில் அரசு சாா்பில் பல்வேறு நடவடிக்கைகள் எடுக்கப்படவுள்ளன. அதன்படி, உபதேசியா்கள் நலவாரியத்தில் உறுப்பினா்கள் பதிவு செய்வதற்கான நிபந்தனைகள் தளா்வு செய்யப்பட்டு, அது இந்த மாத இறுதிக்குள் தொடங்கப்படும்.

கல்வி நிறுவனங்களுக்கு சிறுபான்மையினா் அந்தஸ்து சான்றிதழ் பெறுவதற்கு இணையவழியில் விண்ணப்பித்து சான்றிதழ் பெற்றுக் கொள்ளலாம். இதற்கான இணைய வசதி இந்த மாதத்துக்குள் நடைமுறைக்குக் கொண்டு வரப்படும். கிறிஸ்தவா்கள் ஜெருசலேம் புனிதப் பயணம் செல்வதற்கு அரசு நிதியுதவி வழங்க திருத்தியமைக்கப்பட்ட வழிமுறைகளும் இந்த மாத இறுதிக்குள் வெளியிடப்படும்.

உடல்கள் நல்லடக்கம்: கிறிஸ்தவ கல்லறைகளில் மீண்டும் ஓா் உடலை அடக்கம் செய்வதற்கு இப்போதுள்ள விதிகள் தளா்த்தப்படும். சவப்பெட்டியில்லாமல் அடக்கம் செய்யப்பட்ட இடத்தில், 12 மாதங்களுக்குப் பிறகு வேறு ஒருவரின் உடலை அடக்கம் செய்ய அனுமதி அளிக்கப்படும். மரத்தால் செய்யப்பட்ட சவப்பெட்டியில் அடக்கம் செய்யப்பட்ட இடத்தில் 18 மாதங்களுக்குப் பிறகு அதே குடும்பத்தைச் சோ்ந்த வேறு ஒருவரின் உடலை அடக்கம் செய்ய அனுமதி வழங்கப்படும்.