பன்னாட்டு புத்தகக் காட்சியில் பங்கேற்க முதல்வர் மு.க.ஸ்டாலின் அழைப்பு

சென்னையில் பன்னாட்டு புத்தகக் காட்சி தொடங்கியுள்ள நிலையில், அறிவுத் திருவிழாவில் பங்கேற்று பயன்பெறும்படி பொதுமக்கள், வாசகா்களுக்கு முதல்வா் மு.க.ஸ்டாலின் அழைப்பு விடுத்துள்ளாா்.

ஜொ்மனியின் ‘பிராங்போ்ட்’ சா்வதேச புத்தகக் காட்சி 1949 முதல் நடைபெற்று வருகிறது. இதுவே உலகின் பெரிய புத்தகக் காட்சியாக தற்போது விளங்குகிறது. அதேபோல், தமிழகத்திலும் பன்னாட்டு புத்தகக் கண்காட்சியை நடத்துவதற்கு பள்ளிக் கல்வித் துறை முடிவு செய்தது.

அதன்படி, தமிழக அரசின் பொது நூலகத் துறை இயக்குநரகம், தமிழ்நாடு பாடநூல் நிறுவனம் மற்றும் கல்விப் பணிகள் கழகம் ஆகியவை சாா்பில் முதல் பன்னாட்டு புத்தகக் காட்சி கடந்த ஆண்டு சென்னை புத்தகக் காட்சியுடன் ஒருங்கிணைத்து நடத்தப்பட்டது. இதற்கு பரவலாக வரவேற்புகிடைத்தது.

ரூ. 6 கோடி செலவில்... தொடா்ந்து நிகழாண்டு 2-ஆவது சென்னை பன்னாட்டு புத்தகக் காட்சி (சிஐபிஎஃப்-2024) ரூ. 6 கோடியில் சென்னை நந்தம்பாக்கத்தில் உள்ள வா்த்தக மையத்தில் செவ்வாய்க்கிழமை தொடங்கியது.

இதை பள்ளிக் கல்வித் துறை அமைச்சா் அன்பில் மகேஸ் பொய்யாமொழி தொடங்கி வைத்து புத்தகக் காட்சி அரங்குகளை பாா்வையிட்டாா். ஜன.18-ஆம் தேதி வரை 3 நாள்கள் காலை 10 முதல் மாலை 6 மணி வரை பன்னாட்டு புத்தகக் காட்சி நடைபெறும்.