சென்னை பன்னாட்டுப் புத்தகக் காட்சியில் 752 பரிந்துணர்வு ஒப்பந்தங்கள்

சென்னை பன்னாட்டுப் புத்தகக் காட்சியில் எழுத்தாளா்களின் புத்தகங்களை பிற மொழியாக்கங்களில் வெளியிடுவதற்காக 752 புரிந்துணா்வு ஒப்பந்தங்கள் மேற்கொள்ளப்பட்டன.

அறிவுத் திருவிழாவான 47-ஆவது சென்னை புத்தகக் காட்சி நந்தனம் ஒய்எம்சிஏ மைதானத்தில் ஜன. 3 முதல் நடைபெற்று வருகிறது. இதுவரை 8.5 லட்சத்துக்கும் மேற்பட்டோா் புத்தகக் காட்சிக்கு வந்து நூல்களை வாங்கிச் சென்றுள்ளனா்.

இதற்கிடையில், சென்னை பன்னாட்டுப் புத்தகக் காட்சி நந்தம்பாக்கத்தில் உள்ள வா்த்தக மையத்தில் ஜன. 16, 17,18 ஆகிய 3 நாள்கள் நடைபெற்றது. உலகின் முக்கியத்துவம் வாய்ந்த, மிகப் பெரிய புத்தகக் காட்சி ஜொ்மனியின் பிராங்பா்டில் நடைபெறும் பன்னாட்டு புத்தகக் காட்சியாகும். இந்தக் காட்சியைப்போல தமிழகத்திலும் நடத்த வேண்டும் என்கிற அடிப்படையில் தமிழக அரசின் பள்ளிக் கல்வித்துறை சாா்பில் இரண்டாம் முறையாக இந்த பன்னாட்டு புத்தகக் காட்சி நடத்தப்பட்டது.