அரசின் உரையைப் புறக்கணித்தார் ஆளுநர்

தமிழாக்கத்தை வாசித்தார் பேரவைத் தலைவர் அப்பாவு

தமிழக அரசு தயாரித்து அளித்த உரையை சட்டப் பேரவையில் படிக்காமல் ஆளுநர் ஆர்.என்.ரவிபுறக்கணித்தார்.

இதைத் தொடர்ந்து, அவரது உரையின் தமிழாக்கத்தை பேரவைத் தலைவர் மு.அப்பாவு வாசித்தார்.

அனைத்தும் நீக்கம்: உரையில் இடம்பெற்றிருந்த திருக்குறள் மற்றும் அதற்கான விளக்கத்தை மட்டுமே படித்த ஆளுநர், அதன்பின்பு சில கருத்துகளைக் கூறி அமர்ந்தார். அச்சிடப்பட்ட உரையைத் தவிர்த்து, ஆளுநர் தெரிவித்த கருத்துகள், அதற்கு பேரவைத் தலைவர் மு.அப்பாவு தெரிவித்த மறுப்புரைகள் என அனைத்தும் அவைக் குறிப்பில் இருந்து நீக்கப்பட்டன.

தயாரிக்கப்பட்ட உரைகள் மட்டும்...: ஆளுநருக்காக தயாரிக்கப்பட்ட ஆங்கிலம் மற்றும் தமிழ் உரைகள் மட்டுமே அவைக் குறிப்பில் இடம்பெறுவதற்கான தீர்மானம் முன்மொழியப்பட்டு அது குரல் வாக்கெடுப்பு மூலம் நிறைவேற்றப்பட்டது.

பேரவைக் கூட்டம்: புத்தாண்டின் முதல் கூட்டம் என்பதால் ஆளுநர் உரையுடன், பேரவைக் கூட்டம் திங்கள்கிழமை (பிப்.12) காலை தொடங்கியது. பேரவை வளாகத்துக்கு வந்த ஆளுநர் ஆர்.என்.ரவிக்கு, காவல் துறையினரின் அணிவகுப்பு மரியாதை அளிக்கப்பட்டது. இதன்பிறகு, சரியாக காலை 9.59 மணிக்கு பேரவை மண்டபத்துக்கு ஆளுநர் அழைத்து வரப்பட்டார். அவரை பேரவைத் தலைவர் மு.அப்பாவு, செயலர் கி.சீனிவாசன் ஆகியோர் வரவேற்றனர்.

குறளுடன் தொடக்கம்: ஆளுநர், பேரவைத் தலைவர் ஆகியோர் தங்களது இருக்கைகளை வந்தடைந்ததும், தமிழ்த்தாய் வாழ்த்து பாடப்பட்டது. இதன்பின், ஆளுநர் ஆர்.என்.ரவி தனது உரையைத் தொடங்கினார். முதலில் தமிழில் பேசி அனைவரையும் வரவேற்றார். அவர் பேசியது:-