கிளாம்பாக்கத்திலிருந்து புறப்படும் பேருந்துகளில் 14,440 முன்பதிவு இருக்கைகள் காலி

சென்னை, கிளாம்பாக்கத்திலிருந்து வெள்ளிக்கிழமை(பிப்.16) பல்வேறு பகுதிகளுக்குச் செல்லும் பேருந்துகளில் 14,440 முன்பதிவு இருக்கைகள் காலியாகவுள்ளதால் முன்பதிவு செய்து பயணிக்க போக்குவரத்துக்கழகம் அறிவுறுத்தியுள்ளது.

சென்னை, கிளாம்பாக்கம் புதிய பேருந்து முனையத்திலிருந்து தமிழகத்தின் பல்வேறு பகுதிகளுக்கு செல்வதற்கு ஏதுவாக இணையவழி முன்பதிவு வசதியுடன் பேருந்துகள் இயக்கப்பட்டு வருகின்றன. அந்த வகையில் கிளாம்பாக்கத்திலிருந்து வெள்ளிக்கிழமை(பிப்.16) விரைவு போக்குவரத்துக் கழகம் சாா்பில் பல்வேறு இடங்களுக்கு இயக்கப்படும் 283 பேருந்துகளில் இணையவழியில் 11,848 இருக்கைகள் ஒதுக்கப்பட்டுள்ளன.