விண்ணப்பித்த 1.60 கோடி மகளிருக்கும் விரைவில் உரிமைத் தொகை

விண்ணப்பித்த 1 கோடியே 60 லட்சம் பேருக்கும் விரைவில் மகளிர் உரிமைத் தொகை வழங்கப்படும் என பொன்னேரியில் வெள்ளிக்கிழமை நடைபெற்ற தேர்தல் பிரசாரத்தின்போது அமைச்சர் உதயநிதி ஸ்டாலின் வாக்குறுதி அளித்தார்.

திருவள்ளூர் (தனி) மக்களவைத் தொகுதி காங்கிரஸ் வேட்பாளர் சசிகாந்த் செந்திலை ஆதரித்து பொன்னேரியில் அமைச்சர் உதயநிதி ஸ்டாலின் வாக்கு சேகரித்து பேசியது: இத்தொகுதியில் கடந்த தேர்த லில் போட்டியிட்ட காங்கிரஸ் வேட்பாளர் 3 லட்சத்தி 57 ஆயிரம் வாக்குகள் வித்தியாசத்தில் வெற்றி பெற்றார். இந்த தேர்தலில் சசிகாந்த் செந்திலை 5 லட்சம் வாக்கு வித்தியாசத்தில் வெற்றி பெறச் செய்ய வேண்டும்.

கடந்த 2021 சட்டப்பேரவை தேர்தலில் 10 ஆயிரம் வாக்குகள் வித்தியாசத்தில் காங்கிரஸ் எம் எல்ஏ துரை.சந்திரசேகரை வெற்றி பெறவைத்ததற்கு நன்றி.