பாதுகாப்பு, அடிப்படை வசதிகளை செய்து தர அரசுக்கு உத்தரவு

மதுரை சித்திரைத் திருவிழா

மதுரையில் சித்திரைத் திருவிழாவின் போது, பக்தா்களுக்கு உரிய பாதுகாப்பு, அடிப்படை வசதிகளை அரசு செய்து தர வேண்டும் என சென்னை உயா்நீதிமன்ற மதுரைக் கிளை செவ்வாய்க்கிழமை உத்தரவிட்டது.

மதுரை மானகிரி பகுதியைச் சோ்ந்த வழக்குரைஞா் செல்வகுமாா் தாக்கல் செய்த மனு: மதுரையில் ஒவ்வோா் ஆண்டும் சித்திரைத் திருவிழாவானது சிறப்பாகக் கொண்டாடப்படுகிறது. இந்தத் திருவிழாவில் மீனாட்சி திருக்கல்யாணம், ஆற்றில் கள்ளழகா் இறங்கும் வைபவம் போன்ற முக்கிய நிகழ்வுகள் நடைபெறும். ஜாதி, மதம், இனம், மொழி ஆகியவற்றைக் கடந்து நடைபெறும் இந்த விழாவில் லட்சக்கணக்கானோா் கலந்துகொள்வா்.