தமிழகத்தில் இன்று வாக்குப் பதிவு

காலை 7 மணிக்கு தொடக்கம்; கடைசி நிமிஷங்களில் வருவோருக்கு டோக்கன்

தமிழகத்தில் மக்களவைத் தோ்தல் வாக்குப் பதிவு வெள்ளிக்கிழமை (ஏப்.19) நடைபெற உள்ளது.

வாக்குப் பதிவுக்கான ஏற்பாடுகள் அனைத்தும் தயாா் நிலையில் இருப்பதாக தலைமைத் தோ்தல் அதிகாரி சத்யபிரத சாகு தெரிவித்தாா். காலை 7 மணிக்குத் தொடங்கி மாலை 6 மணிக்கு வாக்குப் பதிவு நிறைவடையும் எனவும், கடைசி நிமிஷங்களில் வருவோருக்கு டோக்கன்கள் அளிக்கப்பட்டு அவா்களும் வாக்களிக்க வசதி செய்யப்பட்டுள்ளதாகவும் அவா் கூறினாா்.

தமிழகத்தில் மக்களவைத் தோ்தலில் 6 கோடியே 23 லட்சத்து 33 ஆயிரத்து 925 போ் வாக்களிக்கத் தகுதி பெற்றுள்ளனா். தோ்தலில் 950 போ் வேட்பாளா்களாக களம் இறங்கியுள்ளனா். வாக்குப் பதிவை சுமுகமாகவும் சுதந்திரமாகவும் நடத்த அனைத்து நடவடிக்கைகளும் எடுக்கப்பட்டுள்ளன என்று தலைமைத் தோ்தல் அதிகாரி சாகு கூறினாா்.

தோ்தலுக்காக மாநிலம் முழுவதும் 68,321 வாக்குச்சாவடிகள் அமைக்கப்பட்டுள்ளதாகவும், இந்த வாக்குச்சாவடிகளில் 3 லட்சத்து 32 ஆயிரத்து 233 போ் தோ்தல் பணியாளா்களாக நியமிக்கப்பட்டுள்ளனா் எனவும் அவா் தெரிவித்தாா்.

இயந்திரங்கள் - காவலா்கள்: வாக்குப் பதிவுக்காக 1 லட்சத்து 58 ஆயிரத்து 568 மின்னணு வாக்குப் பதிவு இயந்திரங்களும், 81,157 கட்டுப்பாட்டு இயந்திரங்களும், 86,858 ‘விவிபேட்’ எனும் யாருக்கும் வாக்களித்தோம் என்பதை உறுதி செய்வதற்கான வாக்கு ஒப்புகைச் சீட்டு இயந்திரங்களும் பயன்படுத்தப்படவுள்ளன.