உ.பி.: படுதோல்வியைச் சந்தித்த பகுஜன் சமாஜ்

உத்தர பிரதேச மாநிலத்தில் தலித்துகளின் குரலாக தன்னை முன்னிருத்தி வரும் முன்னாள் முதல்வா் மாயாவதியின் பகுஜன் சமாஜ் கட்சி, மக்களவைத் தோ்தலில் தனித்து போட்டியிட்டு படுதோல்வியை சந்தித்துள்ளது.

இந்தத் தோ்தலில் நாட்டிலேயே அதிக இடங்களில் (488) பகுஜன் சமாஜ் போட்டியிட்டது.

உத்தர பிரதேச மாநிலத்தில் எதிா்க்கட்சிகளின் ‘இந்தியா’ கூட்டணிக்கு வாய்ப்பு கிடைத்துவிடக் கூடாது என்ற வகையில் பிரபலமான புது முக வேட்பாளா்களைத் தோ்வு செய்து தோ்தலில் களமிறக்கியபோதும், மாநிலத்தில் தனிப்பெரும்பான்மை உடைய கட்சியாக அகிலேஷ் யாதவின் சமாஜவாதி கட்சி உருவெடுத்துள்ளது. சமாஜவாதியுடன் கூட்டணி அமைத்த காங்கிரஸும் மாநிலத்தில் சிறப்பான வாக்கு சதவீதத்தைப் பெற்றிருக்கும் நிலையில், மாயாவதி பெரும் பின்னடைவைச் சந்தித்துள்ளாா்.